तालवाराही माविको वार्षिकोत्सव

आदर्श समाज सम्वाददाता
माघ ४, २०७५
Taalbarahi School_Fotor

पोखरा, ३ माघ । पोखरा–६, वैदामस्थित तालवाराही माविले विविध कार्यक्रमसहित ६१ औं वार्षिकोत्सव तथा अभिभावक दिवस मनाएको छ ।

गण्डकी प्रदेश सामाजिक विकास मन्त्री नरदेवी पुनले वार्षिकोत्सव समारोह विहीवार उद्घाटन गर्दै मुलुककै शिक्षामा आमूल परिवर्तन हुनुपर्ने औंल्याइन् । सामुदायिक विद्यालयहरुको शिक्षण विधिमा परिवर्तन ल्याउनुपनेर्मा मन्त्री पुनको जोड थियो । उनले शिक्षक शिक्षिकाहरुलाई समयानुकूल परिवर्तन हुन आग्रह गरिन् । मन्त्री पुनले प्राविधिक शिक्षामा जोड दिइन् ।

‘गण्डकी प्रदेश सरकारले प्रदेशभित्र प्राविधिक विश्वविद्यालयको स्थापना गर्ने लक्ष्य लिएको छ,’ मन्त्री पुनले भनिन्, ‘हरेक नागरिकलाई उत्पादनमा लगाउन प्रदेश सरकारले प्राविधिक शिक्षा लागू गर्न जोड दिएको छ ।’

प्रदेश सांसद राजीव पहारीले तालवाराही मावि प्रदेशकै नमूना विद्यालय बन्नुपनेर्मा जोड दिए । विद्यालयका पूर्व विद्यार्थीसमेत रहेका सांसद पहारीले नमूना विद्यालय बनाउन आफूले सक्दो पहल गर्ने प्रतिबद्धतासमेत जनाए ।

कार्यक्रममा शिक्षा विकास तथा समन्वय इकाइ प्रमुख नारायणप्रसाद सुवेदी, पीएन क्याम्पसका प्राडा देवेन्द्रबहादुर लामिछाने, विद्यालय व्यवस्थापन समितिका संस्थापक अध्यक्ष लिलाभक्त आचार्य, पूर्व अध्यक्षहरु परशुराम पहारी तथा चूडामणि पहारी र प्रधानाध्यापक भद्रकाली लामिछाने लगायतले शुभकामना मन्तव्य राखेका थिए ।

कार्यक्रममा विद्यार्थीलाई विविध अक्षयकोष वितरण गरिएको थियो ।

यस वर्षदेखि विद्यालयमा कृष्णकुमारी पहारीले ३ लाख ११ हजार १ सय ११, कृष्णप्रसाद न्यौपानेले १ लाख ५ हजार, बुद्धिबहादुर नेपालीले १ लाख २ हजार र ईन्द्रप्रसाद पौडेलले ५१ हजार ५ सयको थप अक्षयकोष स्थापना गरेका छन् ।

कार्यक्रममा उत्कृष्ट विषयगत शिक्षकहरुमध्ये शारदाकुमारी गुरुज्यू अंग्रेजी, माधवप्रसाद पौडेल दश जोड दुई गणित र नारायणी ढकाल बजार शास्त्रलाई विद्यालयले सम्मान गर्यो ।

कार्यक्रममा विद्यालय प्रधानाध्यापक भद्रकाली लामिछानेले विद्यालयको वार्षिक प्रतिवेदन प्रस्तुत गरेकी थिइन् ।

विद्यालय व्यवस्थापन समिति अध्यक्ष कृष्णप्रसाद न्यौपानेको अध्यक्षतामा भएको कार्यक्रममा सहायक प्रअ टीकाराम पण्डितले स्वागत र सहायक प्रअ ताराप्रसाद पोखरेलले संचालन गरेका थिए ।

‘लेकका हामी केटाकेटी’ शीर्षकको बालगीतमा नृत्य प्रस्तुत गर्दै विद्यार्थी ।

Related News

सम्बन्धित समाचार

  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…
  • नेरेसो उपशाखा ८ को सभा

    आदर्श समाज सम्वाददाता चैत्र ५, २०७९
    पोखरा । नेपाल रेडक्रस सोसाइटी पोखरा–८, उपशाखाका १६ औं वार्षिक साधारण सभा भएको छ । सभाको उद्घाटन गर्दै जनप्रिय क्याम्पस…
  • रैथाने अन्नबाली खान जोड

    आदर्श समाज सम्वाददाता चैत्र ५, २०७९
    पोखरा । ताओ एसोसिएसन पोखराले दीर्घरोग र यसको व्यवस्थापनमा रैथाने अन्नबालीको उपयोगबारे अन्तक्र्रिया गरेको छ । कार्यक्रममा डा. सुधाश्री अधिकारी…
  • कालिका क्याम्पस अध्यक्षमा किरण केसी

    आदर्श समाज सम्वाददाता चैत्र ५, २०७९
    पोखरा । कालिका बहुमुखी क्याम्पस, पोखरा–१४ काजीपोखरीको संचालक समिति अध्यक्षमा किरण केसी निर्वाचित भएका छन् । युवा व्यवसायी केसी यसअघि…

hero news full width