पोखरा, १ माघ । पोखराकी समाजसेवी प्रमिला तझ्या श्रेष्ठलाई ‘सिद्धि–सेतुली स्मृति पुरस्कार’ प्रदान गरिने भएको छ ।

सिद्धि–सेतुली स्मृति प्रतिष्ठान, पोखराले प्रत्येक २ वर्षमा प्रदान गर्ने सो पुरस्कारको राशि १० हजार रुपैयाँ र सम्मानपत्र छ ।

पोखरामा रहेर बालबालिका, एकल महिला र ज्येष्ठ नागरिकका क्षेत्रमा विशिष्ट योगदान पुर्याउँदैआएका महिलालाई सो पुरस्कार प्रदान गरिँदैआएको छ ।

प्रमिला मानवअधिकारका लागि महिला एकल महिला समूह गण्डकी प्रदेश अध्यक्ष तथा पोखरा उपत्यका बृहत् सफाइ अभियानका अभियन्ता समेत हुन् ।

यस्तै, प्रतिष्ठानले ‘सानिमा स्मृति पुरस्कार’ समाजसेवी हेमबहादुर गुरुङलाई प्रदान गर्ने भएको छ ।

विश्वरत्न शाक्यकी सानिमाको स्मृतिमा स्थापित १० हजार राशिकै सानिमा स्मृति पुरस्कार पहिलो पटक प्रदान गर्न लागिएको हो। अपांगता भएका हेमबहादुर अपाङ्ता अधिकारका अभियन्ता हुन्।

सिद्धि–सेतुली स्मृति प्रतिष्ठानले सेतुलीमाया शाक्यको १२ औं वार्षिकी अवसरमा माघ ७ गते ती दुवै पुरस्कारद्वारा उनीहरुलाई सम्मान गर्ने निर्णय गरेको छ।

‘सानिमा स्मृति पुरस्कार तथा सम्मान’ का लागि संस्थापक संरक्षक विश्वरत्न शाक्यका परिवारजनबाट ५ लाखको अक्षयकोष स्थापना भएको प्रतिष्ठानका अध्यक्ष नरेन्द्रमान लालचनले जनाए ।