हेमजामा पृथ्वी जयन्ती सकियो

आदर्श समाज सम्वाददाता
पौष ३०, २०७५
hemja vellyball photo_Fotor

हेमजा, २९ पुस । पृथ्वी जयन्ती मुल समारोह समिति हेमजाको आयोजनामा भएका जयन्ती अन्र्तगतका त्रिदिवसीय कार्यक्रम आइतवार सम्पन्न भएको छ ।

समापन समारोहलाई सम्बोधन गर्दै प्रमुख अतिथी कास्की जिल्ला खेलकुद विकास समितिका अध्यक्ष याम गुरुङले हेमजामा जयन्ती मनाएकोमा खुसी व्यक्त गर्दै आयोजकले जयन्ती अन्तर्गतका कार्यक्रममा भलिवललाई महत्व दिएकोमा आभार प्रकट गरे।

खेलाडीमा अनुशासनको महत्व अधिक रहेको चर्चा गर्दै गुरुङले स्वास्थ्यका लागि पनि खेल महत्वपूर्ण हुने औँल्याए ।

जयन्ती अन्तर्गतको भलिवल खेलमा हेमजा आधुनिक सुपरमाकेर्टको समूह बिजयी भएको छ । त्यस्तै धौलागिरी सम्पर्क समाज म्याग्दीचोकले उपबिजेतामा चित्त बुझायो । २५–२०, २५–१०, २४–२६, १९–२५ र १५–१० को सेटले पछि पार्दै सुपरमाकेर्टको समूह बिजयी भएको हो ।

बिजेता समूहले नगद ३० हजार, उपबिजेताले रु. २० हजार साथमा ट्रफी, शिल्ड, मेडल र प्रमाणपत्र प्राप्त गरे । कार्यक्रमबीच लोकदोहोरी कलाकार माया गुरुङ, तुलसा क्षेत्री, नवराज अधिकारी र विष्णु ढुङ्गानाले प्रस्तुतिहरु राखेका थिए ।

नेपालमा विभिन्न समयमा राष्ट्रिय एकता र मेलमिलाप जस्ता विषयमा विमति देखिएका कारण राष्ट्र निर्माता पृथ्वीनारायण शाह कतै ओझेलमा पर्ने त होइनन भन्ने महशुस गरी आफूहरुले कार्यक्रम गरेको आयोजकको भनाई छ ।

मूल समारोह समितिका अध्यक्ष कृष्णबहादुर थापाको अध्यक्षतामा भएको समापन कार्यक्रममा उपाध्यक्ष विराज शर्माले स्वागत तथा संचालन सचिव परशुराम अधिकारीले गरेका थिए ।

Related News

सम्बन्धित समाचार

  • तेक्वान्दोको प्रशिक्षण भवन शिलान्यास

    आदर्श समाज सम्वाददाता असाेज ९, २०७९
    पोखरा । कास्की जिल्ला तेक्वान्दो संघले सुविधासम्पन्न प्रशिक्षण भवन निर्माण गर्ने भएको छ । पोखरा रंगशालाभित्र बन्ने भवनको राष्ट्रिय खेलकुद…
  • माउन्ट एभरेष्ट अन्तर्राष्ट्रिय तेक्वान्दो सुरु

    आदर्श समाज सम्वाददाता असाेज ७, २०७९
    पोखरा । पोखरामा बिहीबारदेखि ‘तेस्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट एभरेष्ट अन्तर्राष्ट्रिय…
  • खेलकुद पत्रकारिता तालिम

    आदर्श समाज सम्वाददाता असाेज ६, २०७९
    पोखरा । नवौं राष्ट्रिय खेलकुद प्रतियोगिता लक्षित गरी आयोजित प्रदेशस्तरीय खेलकुद पत्रकारिता तालिम बुधबार सकिएको छ । राखेपको आयोजना र…
  • मादीमा बास्केटबल सम्पन्न

    आदर्श समाज सम्वाददाता असाेज ६, २०७९
    पोखरा । राष्ट्रिय युवा संघ नेपाल मादी गाउँपालिका २, वडा कमिटीद्वारा बास्केटबल प्रतियोगिता सम्पन्न भएको छ । पोखराको बाँझापाटनस्थित सत्य…
  • अन्तर्राष्ट्रिय तेक्वान्दोमा १४ सय खेलाडी

    आदर्श समाज सम्वाददाता असाेज ६, २०७९
    पोखरा । पोखरामा बिहीबारदेखि सुरु हुने ‘तेश्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट…

hero news full width