एयरपोर्ट टोल विकासमा सावित्री

आदर्श समाज सम्वाददाता
पौष २७, २०७५

पोखरा, २६ पुस । एयरपोर्ट टोल विकास संस्थाको चौधौ साधारण सभा तथा छैटौं अधिवेशनले सावित्री घिमिरेको अध्यक्षतामा नयाँ कार्य समितिको चयन गरेको छ।

संस्थाको उपाध्यक्षमा श्यामबहादुर श्रेष्ठ, सचिव मञ्जु शाही, सहसचिव ईश्वरी पौडेल, कोषाध्यक्षमा डिल्लीराम पौडेल चयन भएका छन्।

सदस्यमा शोभा पौडेल, संगीता तिमिल्सिना, आशा जिसी, रीना थापा, आशा गुरुङ, कलावती क्षेत्री, केशवराज ढकाल, सरला अधिकारी, शर्मिला रानाभाट र अम्बिका शर्मा छन् ।

सांसद इन्द्रधारा विष्टले टोलको काममा आफू सधैँ क्रियाशील रहने बताए। विष्टले टोलका हरेक क्रियाकलापमा टोलवासीसँंगै हातेमालो गर्ने प्रतिवद्धता व्यक्त गरे। पोखरा ८ का वडाध्यक्ष रुद्रनाथ बरालले टोलका समस्या समाधानका लागि वडासम्म सहज ढंगले पुर्याउन संस्थाले पुलको काम गर्नुपर्ने बताए। महानगरले वडामा परिणाम देखिने गरी काम गर्ने बताउँदै बरालले विभिन्न सीपमूलक तालिम सञ्चालनमा टोल विकास संस्था क्रियाशील हुनुपर्ने सुझाव दिए । वडा सदस्य कृष्णमान ठुसाजुले उज्यालो वडा बनाउने महानगरको योजना पूरा हुन लागेको बताउँदै टोल विकास संस्थाहरु जनताका समस्यामा क्रियाशील हुनुपर्ने बताए ।

पोखरा महानगरपालिका शहरी विकास तथा गरीबी न्यूनिकरणका प्रमुख संविता ढुंगानाले महानगरको केन्द्रमा रहेको वडा ८ लाई उत्कष्ट वडाको रुपमा चिनाउन एयरपोर्ट टोल विकासको महत्वपूर्ण स्थान रहेको बताइन्।

कार्यक्रममा संस्थाका सल्लाहकार ध्रुवराज पौडेल, कर्मशील सहकारीका उपाध्यक्ष संगीता तिमिल्सिना, आमा मिलनका अध्यक्ष इन्दिरा पौडेल, हातेमालो आमा समूहका अध्यक्ष गीता पंगेनी पौडेल, फेवा सिटी अस्पताल सञ्चालक त्रिभुवन पराजुली, नागवेली टोल विकास संस्थाका अध्यक्ष शारदा गिरी, नागढुंगा आमा समूहका अध्यक्ष लक्ष्मी गिरी लगायतले बोलेका थिए । संस्थाका सचिव श्यामबहादुर श्रेष्ठले टोल विकास संस्थामा १ सय ८१ घरधुरी रहेको बताए ।

संस्था अध्यक्ष कमला श्रेष्ठको अध्यक्षतामा सञ्चालित कार्यक्रममा स्वागत उपाध्यक्ष सावित्री घिमिरे र सञ्चालन सचिव श्यामबहादुर श्रेष्ठले गरेका थिए।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width