पोखरा महोत्सवको तयारी अन्तिम चरणमा

आदर्श समाज सम्वाददाता
पौष २५, २०७५
pokhara festival

पोखरा, २४ पुस। युनाइटेड क्लबले पुस २७ देखि माघ ८ सम्म आयोजना गर्न लागेको नवौं पोखरा महोत्सव तयारी अन्तिम चरणमा पुगेको छ।

मंगलबार आयोजित पत्रकार सम्मेलनमा महोत्सवस्थल व्यवस्थापन, मञ्च, स्टल निर्माण, प्रचारप्रसार लगायत सम्पूर्ण तयारी अन्तिम चरणमा पुगेको क्लबका प्रथम उपाध्यक्ष राजु श्रेष्ठले जानकारी दिए।

अमरसिंह माविको खेल मैदानमा हुने महोत्सव कला, संस्कृति, भेषभुषा संरक्षणमा टेवा पुर्याउने, शिक्षा, स्वास्थ्य, खेलकुद र पर्यटनको विकास गरी देशलाई समृद्व गराउने, विकसित सूचना प्रविधिबारे जानकारी दिने लगायत उद्देश्यले आयोजना गर्न लागिएको हो।

महोत्सवमा विभिन्न जातजातिका कला संस्कृति प्रदर्शनी, औद्योगिक उत्पादनको प्रदर्शनी, हस्तकला प्रदर्शनी, लोक नृत्य, कृषि, अटो मेला, बाल उद्यान रहने छन्। महोत्सवमा हरेक दिन कलाकारको प्रस्तुति रहने छ।

महोत्सव अवसरमा यसपटक पोखरा वडा ३०, ३१ र ३२ मा पने निर्माणाधीन चिडियाखाना अवलोकन व्यवस्था मिलाइने भएको छ।

‘दैनिक ६० जनालाई निःशुल्क रुपमा चिडियाखाना अवलोकन गराइने छ,’ क्लबका संस्थापक अध्यक्ष हिमाल बख्रेलले भने, ‘चिडियाखानामा २२÷२५ जनावर प्रत्यक्ष देख्न पाइने छ।’ उनले आउँदो असोजसम्म चिडियाखाना संचालन गर्ने गरी काम अघि बढेको जानकारी दिए।

महोत्सवबाट ३८ लाख ६० हजार रुपैयाँ बचत हुने अपेक्षा गरिएको छ। महोत्सव सम्पन्न गर्न ८७ लाख ५० हजार रुपैयाँ खर्च लाग्ने तथा १ करोड २६ लाख १० हजार रुपैयाँ आम्दानी हुने अनुमान गरिएको छ। करिब दुई लाख ५० हजार दर्शकले महोत्सव अवलोकन गर्ने आयोजकको अपेक्षा छ।

महोत्सवमा विभिन्न उत्पादनका २ सय ५० स्टल रहने छन्। सबै स्टल बुकिङ भैसकेको क्लबले जनाएको छ। महोत्सव अवलोकनका लागि साधारणतर्फ ८० र विद्यार्थीका लागि ६० रुपैयाँको टिकट व्यवस्था गरिएको छ।  ‘युवाको जाँगर, राष्ट्र निर्माणको आधार’ भन्ने मूलनाराका साथ अघि बढेको क्बलले शिक्षा, स्वास्थ्य, खेलकुद र पर्यटनलाई जोड दिँदै आएको छ।

युनाइटेड क्लब अध्यक्ष लालकाजी गुरुङको अध्यक्षतामा भएको कार्यक्रममा प्रथम उपाध्यक्ष राजु श्रेष्ठले स्वागत र प्रचार संयोजक शान्तकुमार थापाले संचालन गरेका थिए।

Related News

सम्बन्धित समाचार

  • पर्वतीय संग्रहालयमा फोटो प्रदर्शन

    आदर्श समाज सम्वाददाता असाेज ११, २०८०
    पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
  • सरकारको आलोचनामात्र गर्नु गलत : मन्त्री सिंखडा

    आदर्श समाज सम्वाददाता असाेज ११, २०८०
    पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
  • अनुगमनमा ३ पसललाई कारबाही

    आदर्श समाज सम्वाददाता असाेज ११, २०८०
    लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
  • भूपू सैनिक सहकारीको सभा

    आदर्श समाज सम्वाददाता असाेज ११, २०८०
    हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
  • लेखनाथ कुटानी पिसानी व्यवसायी समितिमा विष्णु

    आदर्श समाज सम्वाददाता असाेज ११, २०८०
    लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…

hero news full width