पोखरा, २४ पुस। अक्सफोर्ड स्कूल पोखरा र मिनाकोई जापानबीच पोखरामा सांस्कृतिक आदानप्रदान कार्यक्रम भएको छ।

अक्सफोर्ड स्कूलमा जापानको कोमागाने शहरका उपमेयर मासारु होरिउचीको विशेष उपस्थितिमा सो कार्यक्रम भएको हो।

विद्यालयका प्रधानाध्यापक प्रेमराज अधिकारीले यस्तो सहकार्यले दुवै देशका विद्यार्थीलाई फाइदा हुने उल्लेख गरे।

कोमागाने शहरका उपमेयर मासारु होरीउचीले कोमागाने र पोखराको मित्रता अझ सुदृढ बनाउन कार्यक्रम उपयोगी भएको बताए। कार्यक्रममा दुवै देशका विद्यार्थीबीच मैत्रीपूर्ण डज् बल खेल भएको थियो।

कार्यक्रममा अक्सफोर्ड स्कूलकी छात्रा रोशनी शर्मा र हिगासी जुनियर हाई स्कूलकी छात्रा चिहारु फुजीले स्वागत गरेका थिए।

कार्यक्रम छात्रा अनुशा आचार्य र शिक्षक विनोदराज आचार्यले सयुक्त रूपमा संचालन गरेका थिए।