पोखरा–१० मा निःशुल्क स्तन क्यान्सर परीक्षण

आदर्श समाज सम्वाददाता
पौष २४, २०७५

पोखरा, २३ पुस। नेपाल रेडक्रस सोसाइटी पोखरा–१० उपशाखाको रजत जयन्तीको अवसरमा  निःशुल्क स्तन क्यान्सर उपचार शिबिर गरेको छ।

शिबिरमा वडा नं–१० भित्रका १ सय ३५ जनाले स्वास्थ्य परीक्षण गराए। २६ जनाको  निशुल्क भिडियो एक्सरे गरिएकामध्ये १० जनालाई मणीपाल शिक्षण अस्पताल पोखरामा थप परीक्षण र उपचारका लागि रिफर गरिएको थियो।पोखरा महानगरपालिका स्वास्थ्य महाशाखाको आयोजनामा वडा नं १० वडा कार्यालय को सहयोग र नेपाल रेडक्रस सोसाइटी पोखरा–१० उपशाखा  लैङ्गिक सामाजिक तथा समावेशीकरण समितिको ब्यबस्थापनमा महिलाहरूको स्तन क्यान्सर स्वास्थ्य शिबिर भएको थियो।

शिबिरमा मणीपाल शिक्षण अस्पतालका सर्जन डा. ओमबहादुर कार्की र पोखरा महानगरपालिका स्वास्थ्य महाशाखाका डा. रबीन गौतम, पोखरा स्वास्थ्य बिज्ञान प्रतिष्ठान पोखराका रेडियोलोजिष्ट डा. श्याम पराजुलीे र पोखरा महानगरवपालिका स्वास्थ्य महाशाखाकी नर्सिङ अधिकृत कविता बरालले महिलाहरूको स्वास्थ्य परीक्षण गर्नुका साथै स्तन क्यान्सर र रोकथामबारे प्रशिक्षण दिएका थिए।

कार्यक्रममा पोखरा महानगरपालिका वडा नं १० का वडा अध्यक्ष राजकुमार गुरूङले वडा नं १० को चाहना सबै वडाबासी स्वास्थ्य रहनुपर्छ भन्ने भाबनाअनुसार नेपाल रेडक्रस सोसाइटीसँगको समन्वयमा महिलाहरूमा हुनसक्ने स्तन क्यान्सरको स्वास्थ्य शिविर राखिएको बताए।

कार्यक्रममा पोखरा महानगरपालिका स्वास्थ्य महाशाखाका प्रमुख हेमन्त शर्मा पौडेल, वडा नं–१० का वडासदस्य निशा मल्ल ठकुरी, वडा सदस्य प्रतिभा वि क पोखरेल, वडा नं १० का वडा सचिव महेन्द्रबहादुर खवास, नेपाल रेडक्रस सोसाइटी पोखरा १० उपशाखा लैङ्गिक सामाजिक तथा समावेशीकरण समितिकी कोषाध्यक्ष हरिमाया भुजेल, स्वास्थ्य स्वयमसेविका वडा नं १० का संयोजक गिता आचार्यलगायतले बोलेका थिए।

लैङ्गिक सामाजिक तथा समावेशीकरण समिति उपशाखा १० की संयोजक नानीमैया गौतमको अध्यक्षतामा सम्पन्न कार्यक्रममा सदस्य नन्दु देबी जैसी देबकोटाले रेडक्रसका सात  सिद्धान्त बाचन, नेपाल रेडक्रस सोसाइटी पोखरा १० उपशाखाका सभापति  सम्मरबहादुर श्रेष्ठले स्वागत र महानगरपालिका स्वास्थ्य महाशाखाकी नर्सिङ अधिकृत कबिता बरालले संचालन गरेकी थिइन्।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width