नेपाली भाषामा जोड दिनुपर्छः मन्त्री पुन

आदर्श समाज सम्वाददाता
पौष २३, २०७५
kef school photo hemja_Fotor

हेमजा, २२  पुस। पोखरा–१, सिम्पानीस्थित करुणानिधि माध्यमिक विद्यालयको रजत जयन्ती अन्तरगतको मुख्य कार्यक्रम आइतबारदेखि सुरु भएको छ ।

कार्यक्रमको उद्घाटन गर्दै गण्डकी प्रदेशकी सामाजिक विकास मन्त्री नरदेवी पुनले अधिकाशं संस्थागत विद्यालयका विद्यार्थीमा नेपाली भाषा प्रतिको ज्ञानमा कमी रहेको औँल्याइन् । मन्त्री पुनले अंग्रेजी भाषा मात्रै सवै थोक नभएको जनाइन् ।

‘हामी नेपाली आफ्नै भाषामा कमजोर रहयौं भने हाम्रो देश कसरी समृद्घ बन्नसक्छ ? भन्दै त्यसप्रति आम नेपाली सबै सचेत बन्नुपर्ने उनको भनाई थियो ।

मन्त्री पुनले गण्डकी प्रदेश सरकारले प्राविधिक महाविद्यालय स्थापनाको सोंच बनाएको समेत बताइन् । उनले सामुदायिक तथा संस्थागत विद्यालयको शैक्षिक गुणस्तरमा एकरुपता ल्याउनुपर्ने आवश्यकता औँल्याइन् । प्रदेश सरकारले शिक्षा क्षेत्रमा सहजीकरण गर्ने गरी निती ल्याउन लागेको पनि मन्त्री पुनले अवगत गराइन् । विद्यालयका सल्लाहकार समितिका अध्यक्ष सोमनाथ अधिकारी ‘प्यासी’ले नेपालको शैक्षिक क्षेत्रमा निजी विद्यालयको भुमिका महत्वपूर्ण रहदै आएको चर्चा गरे ।

उनले निजी विद्यालयको भुमिकालाई कम नहाक्न सबैमा अनुरोध गरे । पुर्व शिक्षक प्राध्यापक डा. रामनाथ ओझाले शिक्षकले विद्यार्थीलाई दवाव नदिई हासीखुसीका साथ पठनपाठन गराउनुपनेर्मा जोड दिए ।

विद्यालयको वार्षिक प्रतिवेदन पेश गर्दै प्राचार्य डिल्लीराम अधिकारीले विद्यालयमा बालमैत्री वातावरणका साथ पठनपाठन गरिर्दै आएको बताए । उनले ‘करुणा अङ्क ५’ को प्रकाशनको तयारी अन्तिम चरणमा पुगेको जानकारी दिए । पछिल्लो समय विद्यालयले उल्लेख्य सफलता प्राप्त गर्दै गएको उनको ठहर थियो ।

प्याब्सन कास्कीका अध्यक्ष प्रेमप्रसाद शर्माले देशको शिक्षाको इज्यत राख्ने काम संस्थागत विद्यालयहरुले गरिरहेको दावी गरे । शर्माले शिक्षक अभिभावक संघका अध्यक्ष वसन्त बास्तोलाले शिक्षक, अभिभावक र विद्यार्थीको त्रिकोणात्मक सम्बन्धबाट मात्रै शैक्षिक व्यवस्था सुदृढ बन्ने बताए ।

कार्यक्रमबीच पुर्व शिक्षक तथा कर्मचारी, नियमित विद्यार्थीलगायतलाई सम्मान गरिएको थियो । त्यस्तै विद्यार्थीहरुबाट विभिन्न सांस्कृतिक प्रस्तुतिहरु समेत राखिएका थिए । कार्यक्रम सोमवार पनि जारी रहने विद्यालयले जनाएका छ ।

विद्यालय व्यवस्थापन समितिका अध्यक्ष रामचन्द्र पौडेलको अध्यक्षतामा सम्पन्न उक्त कार्यक्रममा विद्यालयका निदेर्शक लोकराज भण्डारीले धन्यवाद ज्ञापन, कक्षा ५ की विद्यार्थी अपेक्षा भण्डारीले स्वागत तथा संचालन सह–प्राचार्य भानुभक्त पोखरेलले गरेका थिए ।

Related News

सम्बन्धित समाचार

  • ज्येष्ठ नागरिकका समस्याबारे चर्चा

    आदर्श समाज सम्वाददाता असाेज ८, २०७९
    पोखरा । पोखरा–९, शान्तिवनमा केन्द्रीय कार्यालय रहेको ज्येष्ठ नागरिक सरोकार समाज नेपालले आफ्नो १० औं स्थापना दिवस अवसरमा शुक्रबार १०२…
  • छन्त्याल युवा संघ कास्कीमा मोहन

    आदर्श समाज सम्वाददाता असाेज ८, २०७९
    पोखरा । नेपाल छन्त्याल युवा संघ कास्की अध्यक्षमा मोहन छन्त्याल सर्वसम्मत निर्वाचित भएका छन् । संस्थाको १२ औं साधारणसभा तथा…
  • हाजिरीजवाफमा बालमन्दिर प्रथम

    आदर्श समाज सम्वाददाता असाेज ८, २०७९
    हेमजा । माछापुच्छ्रे माविको स्वर्ण महोत्सव अवसरमा पूर्व विद्यार्थी मञ्चले शुक्रबार गरेकोे विद्यालयस्तरीय हाजिरीजवाफ प्रतियोगितामा ८ विद्यालयलाई पछि पार्दै बालमन्दिर…
  • राधालक्ष्मी पुरस्कार वियोगीलाई

    आदर्श समाज सम्वाददाता असाेज ८, २०७९
    हेमजा । छन्दनायक माधव वियोगीलाई राधालक्ष्मी साहित्य पुरस्कार प्रदान गरिने भएको छ । कवि, शिक्षासेवी तथा चिन्तक हेमजाका लक्ष्मीशरण उपाध्याय…
  • महानगरमा मेरा ५ वर्ष

    शंकर बास्तोला असाेज ८, २०७९
    विल्कुल नयाँ संरचनामा स्थानीय तहको पहिलो निर्वाचन हुँदै थियो । २०५९ पछि रिक्त स्थानीय निकाय सरकारका रुपमा २०७४ मा ब्युँतियो…

hero news full width