लेखनाथ,  २२ पुस । लेखनाथका विभिन्न ठाँउबाट संकलन गरिएको घरेलु मदिरा आइतवार एक कार्यक्रमबीच नष्ट गरिएको छ ।

डाँडाकोनाक प्रहरीचौकीको अग्रसरतामा विभिन्न ठाँउबाट संकलन गरिएको दुई सय ५० लिटर तयारी मदिरा र करिव पाँचसय लिटर कच्चा पदार्थ नष्ट गरिएको हो ।

डाँडाकोनाक प्रहरीचौकी परिसरमा वडा नं २७ का वडाअध्यक्ष पूर्णकुमार गुरुङ, वडा नं ३२ का वडाअध्यक्ष अक्कलबहादुर कार्की, वडासदस्य प्रेम बराल, सरस्वती नेपाली, लेखनाथ सामुदायिक सेवा केन्द्रका अध्यक्ष रमेश ओझा, सचिव त्रिलोचन लामिछाने र कोषाध्यक्ष गंगा खनाललगायतको सहभागितामा मदिरा नष्ट गरिएको हो ।

कार्यक्रममा डाँडाकोनाक प्रहरीचौकीका प्रमुख प्रहरी नायव उपरीक्षक मोहनबहादुर खाँडले मदिराका कारण विभिन्न अपराधजन्य क्रियाकलाप मौलाउँदै गएकाले यसलाई निरुत्साहित गर्न आगामी दिनमा लेखनाथका सवै ठाँउहरुमा कडा निगरानीका साथ प्रहरी परिचालन गरिने बताए ।