पोखरा, २१ पुस । चण्डिका आमा समूह, पोखरा–९ को छैठौं साधारण सभा सम्पन्न भएको छ ।

प्रमुख अतिथि पोखरा ९ का वडाध्यक्ष रामराज लामिछानेले साधारणसभा उद्घाटन गरेका हुन् । उनले आफूले कार्यक्रमको लागि मात्र गरिने कार्यक्रम पूर्ण रूपमा बन्द गरेको बताए ।

उनले गण्डकी प्रदेश र पोखरा महानगरपालिकाकै केन्द्रमा रहेको वडा ९ को समूचित विकास कसरी गर्ने भन्नेमै वडा केन्द्रित रहेको बताए । कार्यक्रमको लागि मात्र कार्यक्रम गर्न कुनै बजेट निकासा नगरिएको उनको भनाइ थियो ।

कार्यक्रममा वडासचिव लोकदर्शन कोइरालाले चण्डिका आमा समूहले सरसफाइ तथा संगठनात्मक कार्यहरु उत्कृष्ट रुपले गर्दै आएको बताए ।

कार्यक्रममा वडा सदस्य राममाया मानन्धर, गीता चम्राकार, सुरेश खवास, नन्दराम गिरी, पत्रकार रमेश पौडेल, सल्लाहकार पुष्पकुमारी आचार्य, संस्थापक अध्यक्ष सरस्वती कोइराला लगायतले शुभकामना मन्तव्य राखेका थिए ।

संस्थाकी सचिव सीता नेपालीले संस्थाको वार्षिक प्रतिवेदन र कोषाध्यक्ष देउमाया पुनले आर्थिक प्रतिवेदन प्रस्तुत गरेकी थिइन् ।

आमा समूह अध्यक्ष बिमला रानाभाटको अध्यक्षतामा भएको कार्यक्रममा स्वागत उपाध्यक्ष गंगा सुवेदीले स्वागत र सम्झना रानाभाटले संचालन गरेकी थिइन् ।