कृषि सम्मानित पेशाः पौडेल

आदर्श समाज सम्वाददाता
पौष २०, २०७५

दमौली, १९ पुस । नेपाली काँग्रेसका वरिष्ठ नेता रामचन्द्र पौडेलले कृषिलाई सम्मानित पेशा बनाउनुपनेर्मा जोड दिएका छन् ।

ब्यास नगरपालिका–६ सिसाघाटस्थित श्याम्घा साना किसान सहकारीको चौथो साधारणसभाको बिहीबार उद्घाटन गर्दै नेता पौडेलले नेपालका अधिकांश किसान कृषिमा निर्भर भए पनि यो पेशा अपहेलित हुन पुगेको बताए। उनले भने, “नेपाललाई किसानको देश भनिन्छ तर कृषि पेशा अपहेलित छ, धेरै मिहिनेत गरेर थोरै मात्र आम्दानी हुने भएकोले कृषि पेशा अपहेलित छ।”

जुन पेशाबाट धेरै नाफा हुन्छ मानिस त्यतै आकर्षित हुने गरेको भन्दै नेता पौडेलले कृषिमा आकर्षण बढाउनुपर्नेमा जोड दिए।

किसान र काँग्रेसको सम्बन्ध अत्यन्त नजिकको रहेको चर्चा गर्दै नेता पौडेलले विपन्नलाई सम्पन्न गराउने पार्टी काँग्रेस मात्रै रहेको दाबी गरे। नेपालमा राजनीतिक क्रान्ति सकिएको चर्चा गर्दै उनले अब आर्थिक क्रान्ति गर्ने पालो भएको र त्यो कृषिबाटै सम्भव रहेको बताए। ब्यास नगरपालिकाका प्रमुख वैकुण्ठ न्यौपानेले नगरको समृद्धिमा सहकारी कोशेढुङ्गा बन्नुपर्ने बताए।

Related News

सम्बन्धित समाचार

hero news full width