पोखरा, १८ पुस। नेपाल विद्यार्थी संघ मुस्ताङको सभापतिमा अशिम शेरचन चयन भएका छन्। बुधबार भएको १२ औं अधिवेशनले शेरचनको अध्यक्षतामा २१ सदस्यीय नयाँ कार्यसमिति चयन गरेको हो ।
संघको उपसभापति रुपिका थकाली, महासचिव अनिल परियार, सचिव सुनिल परियार, सहसचिव ध्रुव परियार र कोषाध्यक्षमा बरुण लामा चयन भए ।
सदस्यमा मनिषा हिराचन, विकास विक, पासाङ शेर्पा, सुदीप विक, पूनित परियार, सञ्जय पूर्जा, विकल्प गौचन, अमन पौडेल, निसान तुलाचन, उर्मिला नेपाली, मञ्जु नेपाली र सज्जल छन्त्याल छन् । नवगठित कार्यसमितिका सभापति शेरचनले संगठन बलियो बनाई अघि बढ्ने प्रतिबद्धता जनाए । उनले शैक्षिक गुणस्तरीयता कायम गराउन नेविसंघको भूमिका महत्वपूर्ण हुने बताए ।
नेविसंघका केन्द्रिय कोषाध्यक्ष शिव रिमालले नेविसंघको इतिहास नेपाली राजनीतिमा सधँै प्रशंसनीय भएकोले सोही अनुसार अघि बढ्न सुझाव दिए ।
कार्यक्रममा नेपाल शिक्षक संघका संघीय प्रतिनिधि प्रमिश गौचनले विद्यार्थीलाई सकारात्मक र रचानात्मक कार्य गर्न सुझाव दिए । उनले विभिन्न राजनीतिक परिघटनामा नेपाल विद्यार्थी संघले निभाएको भूमिका सम्झदै सधैँ सत्यको पक्षमा हिड्ने संठगन रहेको समेत बताए ।
वारागुङ–मुक्तिक्षेत्र गाउँपालिकाका अध्यक्ष एवम् नेपाली काँग्रेस जिल्ला सचिव फेन्चोक छेप्टेन गुरुङले विभिन्न कठिनाइ बाबजुद मुस्ताङमा नेपाल विद्यार्थी संघ यो अवस्थामासम्म आइपुगेको बताए । विद्यार्थीको हकहीत तथा शैक्षिक गुणस्तरको लागि आ–आफ्नो स्थानमा एकताबद्ध भएर अगाडि बढ्न उनले सुझाव दिए ।
नेविसंघमा पहिलो पटक औपचारिक कार्यक्रम गरेर कार्यसमिति चयन गरिएको युवा नेता अविनाश गौचन थकालीले बताए । उनले नयाँ कार्यसमितिलाई थप जोश–जाँगरका साथ जिम्मेवारी बहन गर्न आग्रह गरे ।
सोही अवसरमा संघको कोष वृद्धिको लागि वारागुङ–मुक्तिक्षेत्र गाउँपालिकाका अध्यक्ष फेन्चोक छेप्टेन गुरुङले १० हजार, महाधिवेशन प्रतिनिधि विजय हिराचनले ८ हजार र घरपझोङ गाउँपालिकाका तरुणदल अध्यक्ष योगेश शेरचनले ५ हजार नगद सहयोग गरेका छन् । कार्यक्रममा सहयोगीलाई सम्मानसमेत गरिएको थियो ।
Related News
सम्बन्धित समाचार
पोखराको सहिदचोकमा पेट्रोल पम्प निर्माणमा अन्तरिम आदेश
निषेधित क्षेत्र तोडेर रास्वपाको प्रदर्शन
लामिछाने पक्राउविरुद्ध प्रदर्शन, आइतबार अदालत उपस्थित गराइने
पूर्व क्षेत्रीय शिक्षा निर्देशक बास्तोलाको निधन
धौलागिरिमा ज्यान गुमाएका आरोहीको शव इटली आधार शिविर झारियो
hero news full width
मुख्य समाचार
नेसपाले नाम फेर्ने, महाधिवेशन माघमा
विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१