पोखरा, १६ पुस । नेपाल रेडक्रस सोसाइटी रुपा गाँउपालिका १ र २ को १६ औं साधारणसभा सम्पन्न भएको छ । सभाको उद्घाटन गर्दै नेपाल रेडक्रस सोसाइटी कास्की जिल्ला शाखाका कार्यसमिति सदस्य एवं जुनियर युवा समिति कास्कीका संयोजक विष्णुप्रसाद भण्डारीले समुदायमा हुनसक्ने मानवीय बिपद्लाई न्युनीकरण गर्ने उद्देश्यका साथ रेडक्रसको स्थापना भएको र विश्व समुदायको १९४ राष्ट्रमा यसको संगठन र सञ्जाल भएकाले संसारकै ठूलो मानवीय संस्था भएको वताए । उनले मानवीय बिपद्लाई घटाउन युद्धको पृष्ठभुमीवाट स्थापित रेडक्रस विकास निर्माणमा समुदायसँग सहकार्य गर्दै आएको वताए ।

उपशाखाका सचिव राजन सुबेदीले प्रस्तुत गरेको सभामा कोषाध्यक्ष बिमला खनालले भावी कार्यक्रम र लेखापरीक्षण प्रतिवेदन सर्वस्ाम्मतिले पारित गरेको थियो । उपशाखाका सभापति तिलक जिसीको अध्यक्षतामा सम्पन्न सभामा कार्यसमिति सदस्य ऋषीराम ओझाले स्वागत मन्तव्य राखेका थिए ।