लेखनाथ, १५ पुस । पूर्व राजा ज्ञानेन्द्रलाई  आइतवार लेखनाथमा स्वागत सम्मान गरिएको छ ।

पोखरा २९ मा रहेको नर्मदेश्वर मोक्षाश्रम संरक्षण समितिको आयोजनामा  स्वागत सम्मान गरिएको हो ।

कार्यक्रममा  संरक्षण समितिका अध्यक्ष झविन्द्रराज आचार्य, मन्दिरका पिठाधीश ईञ्जीनियर मौनी बाबालगायत स्थानीयले धार्मिक भ्रमणको रुपमा आएका ज्ञानेन्द्र शाहलाई स्वागत गरेका थिए ।

पूर्व राजा ज्ञानेन्द्रलाई नर्मदेश्वर मोक्षाश्रम संरक्षण समितिको तर्फबाट अभिनन्नदनसमेत गरिएको थियो ।

करिब आधा घण्टा मन्दिरमा विताएका शाहले मन्दिरमा पुजा अर्चना गरेका थिए । मन्दिर प्रवेश गर्ने क्रममा सवैको हातवाट पुष्पगुच्छा लिएपनि उनले सम्वोधन भने गरेनन् ।