विन्ध्यवासिनीले ७२ औं वार्षिकोत्सव मनाउँदै

आदर्श समाज सम्वाददाता
पौष १६, २०७५
Bindhyabasini MaVi

पोखरा, १५ पुस । पोखराको पुरानो विद्यालय विन्ध्यबासिनी मावि बाटुलेचौरले आफ्नो ७२ औं वार्षिकोत्सव विविध कार्यक्रम गरी मनाउने भएको छ ।

यही पुसको २७ गते हुने वार्षिकोत्सवको अवसरमा विद्यालयले पुस २२ गतेदेखि २७ गतेसम्म रक्तदान तथा वार्षिक खेलकुद कार्यक्रमको आयोजना गरेर मनाउन लागेको  प्रधानाध्यापक कृण्णप्रसाद आचार्यले जानकारी दिएका छन् ।

विद्यालयले २२ गते खुला रक्तदान कार्यक्रमका साथै २६ गतेसम्म खेलकुद र २७ गते मूल समारोहको आयोजना गरेको हो । मूल समारोहमा विद्यालयले भूपु विद्यार्थी एवं युवा तथा खेलकुदमन्त्री जगत विश्वकर्मा, गण्डकी प्रदेशका सासंद कुमार खड्का, प्रभा कोईराला, पुष्पा केसी भण्डारीलाई सम्मान गर्ने जनाएको छ ।

सोही समारोहमा विद्यालयको मुखपत्र विन्ध्यबासिनी दर्पण अंक–२ को समेत विमोचन गरिने प्रचार संयोजक रामबहादुर बाँनियाले जानकारी दिए । त्यस्तै, मूल समारोहमा छात्रवृति वितरण, शैक्षिक तथा खेलकुद पुरस्कार वितरण र विज्ञान प्रर्दशनीसमेत गरिने बताइएको छ ।

वार्षिकोत्सवलाई व्यवस्थित गर्न विद्यालयले शिक्षक कर्मचारी संलग्न विभिन्न १३ वटा उपसमिति गठन गरेको छ । गठित उपसमितिले आफ्नो कार्यलाई तिब्रता दिएको विद्यालय व्यवस्थापन समितिका अध्यक्ष चन्द्रा थापाले जानकारी दिए । विद्यालयले २२ गते आयोजना गरेको रक्तदान कार्यक्रममा सहभागी भइदिन आग्रह गरेको छ ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width