भरतपोखरी विकास मञ्चद्वारा माटो परीक्षण

आदर्श समाज सम्वाददाता
पौष ८, २०७५

पोखरा, ७ पुस।भरतपोखरी विकास मञ्च कास्कीद्वारा आयोजित माटो परीक्षण शिविरमा पोखरा ३३ भरतपोखरीका ६५ स्थानको माटो परीक्षण गरिएको छ।

कृषकको हितलाई दृष्टिगत गर्दै आयोजित शिविरमा माटोको पहिचान गरी उत्पादकत्व वृद्धिका लागि परामर्श सहयोग उपलब्ध गराइएको मञ्चका अध्यक्ष डिल्लीराम बरालले जानकारी दिए ।

वडास्तरीय कृषि सञ्जाल पोखरा-३३ को प्रवर्द्धन एवम् बाघमारा बहुउद्देश्यीय सहकारी संस्था लि., सुरक्षा बहुउद्देश्यीय सहकारी संस्था लि., भरतपोखरी साना किसान कृषि सहकारी संस्था लि., भरतपोखरी बचत तथा ऋण सहकारी संस्था लि. र जनहित कृषि सहकारी संस्था लि.लगायत संस्थाको सहयोगमा शिविर आयोजना भएको थियो।

पोखरा-३३ का वडा अध्यक्ष शिवप्रसाद आचार्यले कृषिको व्यावसायिक विकासका लागि कृषकमा माटोको उत्पादकत्वबारे अवगत हुनुपर्ने बताउँदै यस किसिमका शिविरबाट कृषक लाभान्वित बन्ने विश्वास व्यक्त गरे।

माटो परीक्षणका क्रममा यस क्षेत्रको अधिकांश स्थानको माटोमा अम्लीयपन कम रहेको पाइएको बताउँदै माटो विज्ञ टिकादत्त घिमिरेले कोषे बालीको विस्तारका साथै गोठे मलको प्रयोग बढाउनुपर्ने सुझाव दिए।

कार्यक्रममा मञ्चका महासचिव गणेशप्रसाद ढकाल, सल्लाहकार केशरप्रसाद निदोर्षी, केशवप्रसाद आचार्य, कार्यक्रम संयोजक ऋषिमाया लामिछाने लगायतले शिविरले यस क्षेत्रका कृषकलाई आफ्नो जमिनको उत्पादकत्व र माटोको वास्तविक अवस्थाबारे जानकारी हुने बताए।

Related News

सम्बन्धित समाचार

  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…
  • दिपाङमा ४ जनाको सकुशल उद्धार

    आदर्श समाज सम्वाददाता असार २७, २०८१
    पोखरा । दिपाङ तालमा झरीका कारण पानीको सतह बढेपछि डुबानमा परेका एकै घरका ४ जनाको उद्धार गरिएको छ । पोखरा…

hero news full width