लेखनाथ, ५ पुस। लायन्स क्लब अफ लेखनाथ सेभेन लेकसिटीले विन्ध्यवासिनी मावि, बाटुलेचौरका बालबालिकालाई न्यानो कपडा वितरण गरेको छ।

क्लबले विद्यालयमा अध्ययनरत आर्थिक स्थिति न्यून भएका परिवारका ६० जना विद्यार्थीलाई न्यानो कपडा स्वीटर वितरण गरेको हो।

लायन्स क्लब अन्तर्राष्ट्रिय डिष्ट्रिक ३२५ वि १ नेपालका रिजन चियरपर्सन मधुसुदन कोइरालाले कपडा वितरण गर्दै पठनपाठनका लागि शारीरिक र मानसिक रूपमा स्वच्छ हुनुपर्नेमा जोड दिँदै विद्यार्थीले पाएका न्यानो कपडाले उनीहरूलाई पढाइमा थप सहयोग मिल्ने बताए।

क्लब अध्यक्ष गणेशप्रसाद ढुंगानाको अध्यक्षतामा भएको सो कार्यक्रममा संयोजक क्लबका निवर्तमान अध्यक्ष शिवप्रसाद भण्डारी लगायतले बोलेका थिए।