जन्तीको गाडी दुर्घटनामा ६ जनाको मृत्यु

आदर्श समाज सम्वाददाता
मंसिर २८, २०७५

दाङ, २७ मंसिर। चितवनको गीतानगरमा बुधबार राति सडक दुर्घटना भएको छ।

गीतानगरबाट दुलही लिएर बाँकेको शम्शेरगञ्ज फर्किदै गरेको बा१२च ३१२२ नम्बरको स्कारपियो जिप र महेन्द्रनगरबाट काठमाडौँ जाँदै गरेको ना५ख ४०९० नम्बरको बस दाङको लमही नगरपालिका-९ को रिहार नजिक बुधबार राति पौने २ बजे एकापसमा ठोक्किँदा स्कारपियोमा सवार ८ मध्ये ६ जनाको घटनास्थलमै मृत्यु भएको छ।

जिल्ला प्रहरी कार्यालयका प्रमुख बेलबहादुर पाण्डेयका अनुसार मृत्य हुनेमा बेहुलाका बाबु राप्तीसोनारी गाउँपालिका-८ निवासी ५३ वर्षीय मानबहादुर केसी ४५ वर्षीया आमा विमला खत्री, ४९ वर्षीय विश्वनाथ अधिकारी, ५ वर्षीय प्रवीण केसी, ३१ वर्षीय दीपककुमार खड्का, कोहलपुर-१२ निवासी ७८ वर्षीय दत्तबहादुर खत्री छन्।

उनीहरुको घटनास्थलमै मृत्यु भएको हो। सो दुर्घटनामा चालकसहित अन्य दुर्इ घाइते भएका छन्। घाइतेलाई थप उपचारका लागि कोहलपुर पठाइएको छ। बेहुला बेहुली भने अर्को गाडीमा रहेको प्रहरीले जनाएको छ।

Related News

सम्बन्धित समाचार

hero news full width

trending post

ट्रेन्डिङ्ग