पुनयोर्ग माग गर्दै अनसन

आदर्श समाज सम्वाददाता
मंसिर २६, २०७५

पोखरा, २५ मंसिर । कक्षा ११ को विज्ञान संकायको परीक्षा नतिजा त्रुटीपूर्ण भएको भन्दै कास्कीका विद्यार्थी संगठनले रिलेअनसन जारी राखेका छन् ।

ड्यामसाइडस्थित राष्ट्रिय परीक्षा बोर्डको पोखरा कार्यालय अगाडि उनीहरुले सोमबारदेखि रिले अनसन जारी राखेका हुन् भने एक टोली प्रधानमन्त्री लगायतलाई ज्ञापनपत्र बुझाउन मंगलबार काठमाडौं लागेको छ ।

अनेरास्ववियु कास्की अध्यक्ष शेखर गौतम नेतृत्वमा अनसन शुरु अनसन बोर्डले आफ्नो त्रुटी सच्चाउँदै विद्यार्थीको उत्तरपुस्तिका पुनयोर्गको माग गरिएको छ । रिले अनसन १०/१० जना दरले बसेका छन् ।

बोर्डले विद्यार्थीको भविष्यमाथि खेलवाड गर्न पाइँदैन, उत्तरपुस्तिका पुनः जाँच हुनुपर्छ, अनेरास्ववियु कास्की अध्यक्ष गौतमले भने ।

‘कास्कीका विद्यार्थी संगठनको नेतृत्व, पीडित अभिभावक संघका संयोजक, विद्यालय संयोजक समिति, नागरिक अगुवाहरु मिलेर हामीहरु काठमाडौं जाँदैछौं,’ उनले भने, ‘यसबारे प्रमाणसहित बोर्ड प्रमुख, प्रधानमन्त्री र मन्त्रीलाई भेटेर ज्ञापनपत्र बुझाउने छौं । माग सम्बोधन नभए पोखरा फर्केर आन्दोलन चर्काउनेछौं ।’

अनसनमा अनेरास्ववियुतर्फबाट गौतमसहित, नेवि संघबाट भानु ढकाल, अखिल क्रान्तिकारीका कृष्ण दाहाल, अखिल छैटौका दानु सारुमगर, नयाँ शक्ति विद्यार्थी संगठनका रेशम सापकोटा, अखिल क्रान्तिकारी विप्लवका मिलन राईले नेतृत्व गरेका छन् ।

कक्षा ११ को विज्ञान संकायअन्तर्गत गणित, फिजिक्स र केमेष्ट्री विषयको परीक्षाको उत्तरपुस्तिका जाँच र नतिजा प्रकाशनमा बोर्डले गम्भीर त्रुटी गर्दा विद्यार्थीको भविष्यमाथि ठेस लाग्न पुगेको छ । सोबाट

३ हजार १ सय ७० जना नियमिततर्फ र करिब १ हजार जना आंशिकतर्फ प्रभावित छन् ।

नतिजा प्रकाशनपछि २ हजार ७ सय ६८ विषयको पुनयोर्ग गर्दा १ सय ३२ वटा विषयको मात्र सामान्य हेरफेर भएर आएको थियो । पुनयोर्गमा समेत बोर्डको लापरबाही भएको भन्दै विद्यार्थी असन्तुष्ट छन् ।

हिसान कास्कीका पूर्व अध्यक्ष बाबुराम पन्तले सबै विद्यार्थीको अंक डी र इ ग्रेडमात्र आउनै सक्दैन, बोर्डले उत्तरपुस्तिका नै नजाँची नतिजा प्रकाशन गरेको छ । यसमा गम्भीर लापरबाही छ ।

Related News

सम्बन्धित समाचार

  • प्राइम सहकारी ठगी प्रकरण : मुख्य योजनाकारसहित ७ जना कारागार चलान

    विजय नेपाल असार ७, २०८१
    पोखरा । पोखराको प्राइम बहुउद्देश्यीय सहकारी संस्थाको डेढ अर्बभन्दा बढी रकम अपचलन भएको ठगी मुद्दामा मुख्य योजनाकार प्रमुख कार्यकारी अधिकृत सुरेन्द्रमणि…
  • कञ्चन क्यापिटलको पाँचौं वार्षिकोत्सव

    आदर्श समाज सम्वाददाता असार ७, २०८१
    पोखरा । कञ्चन क्यापिटल प्रालिले रक्तदान, सम्मान, पुरस्कार वितरणलगायत कार्यक्रम गरी पाँचौं वार्षिकोत्सव मनाएको छ । मंगलबार आयोजित रक्तदानमा ५६…
  • पोखरा आदर्शमा एकल नृत्यको अडिसन राउन्ड पूरा

    आदर्श समाज सम्वाददाता असार ७, २०८१
    पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी…
  • ‘शास्त्रीय मर्यादा कायम राखौं’

    आदर्श समाज सम्वाददाता असार ७, २०८१
    पोखरा । शास्त्रीय मर्यादा कायम राख्नुपर्नेमा जोड दिइएको छ । नेपाल ज्योतिष परिषद् कास्कीले बुधबार पोखरामा आयोजना गरेको पूर्वीय वाङ्मय…
  • पोखरा सुधारको माग

    आदर्श समाज सम्वाददाता असार ७, २०८१
    पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले…

hero news full width