पोखरा, २५ मंसिर। तारकाङ-पोखरा सर्म्पर्क समाजको आयोजनामा परिचयात्मक कार्यक्रम भएको छ।

मादी-३ र ४ का राजनीतिक दलका प्रतिनिधि, जनप्रतिनिधि, विद्यालय, टोल विकास संस्था, युवा क्लब, सहकारी, आमा समूह, स्थानीयबीच परिचयात्मक कार्यक्रम भएको हो।

वडा ४ का वडाध्यक्ष सत्यराज सापकोटाको प्रमुख आतिथ्यमा भएको कार्यक्रममा १०२ वर्षीय बामदेव सापकोटा, नेकपा वडा ४ संयोजक पुण्यप्रसाद सापकोटा, ध्रुव मावि व्यवस्थापन समिति अध्यक्ष बुद्धिसागर सापकोटा, ध्रुव मावि प्रअ शुक्रराज सापकोटा, सीताराम माविका प्रअ रुद्र सापकोटा, तारकाङ कृषि सहकारी संस्थाका तेजप्रसाद सापकोटा, हाम्रो सहयोगी संस्था पोखराका अध्यक्ष शिव सापकोटा, तारकाङ-पोखरा सर्म्पर्क समाजका अध्यक्ष नारायण सापकोटा लगायतले शुभकामना मन्तव्य व्यक्त गरेका थिए।

कार्यक्रममा सर्म्पर्क समाजका सहसचिव शरद सापकोटाले समाजको क्यालेण्डर प्रकाशन गरिने जानकारी दिए।

यस्तै, समाजका कोषाध्यक्ष एवं कार्यक्रम संयोजक घननाथ सापकोटाले कार्यक्रम उद्देश्यबारे प्रकाश पारेका थिए।

सर्म्पर्क समाजका अध्यक्ष बलराम सापकोटाको अध्यक्षतामा भएको कार्यक्रममा उपाध्यक्ष गौरी सापकोटाले स्वागत र सचिव नेत्र तिमिल्सिनाले गरेका थिए।

गाउँ र सर्म्पर्क समाजबीच समन्वय गराउन गठित उपसमितिको संयोजकमा सिर्द्धार्थ सापकोटा चयन भएका छन्।