महायज्ञमा १२ लाख संकलन

आदर्श समाज सम्वाददाता
मंसिर २४, २०७५
DSC_3648_Fotor

पोखरा, २३ मङ्सिर।वेगनास तालमा आयोजित विराट ज्ञान महायज्ञको दोस्रो दिन आइतवार सम्म १२ लाख रुपैयाँ दान संकलन भएको छ।

महायज्ञमा हालसम्म सर्वाधिक समाजसेवी गमबहादुर गुरुङ र तिलकुमारी गुरुङबाट दुर्इ लाख पाँच सय ५५ दान प्राप्त भएको छ। अघिल्लो दिन एक लाख पाँच हजार पाँच सय ५५ रुपैयाँ दान गरेका गुरुङले त्यसको लगत्तै सोमवार थप एक लाख रुपैयाँ प्रदान गरेका हुन्।

यसैगरी, महायज्ञमा मूल आयोजक समितिका उपाध्यक्ष तथा वेगनाथ युवा क्लबका अध्यक्ष राम रानाभाट, महासचिव धु्रवनाथ अधिकारी, कोषाध्यक्ष गंगाराम सुवेदी र पण्डित भोलानाथ गौतमबाट जनही ५५ हजार पाँच सय ५५  दान प्राप्त भएको प्रचारप्रसार संयोजक मोति गिरीले जानकारी दिए।

यसैगरी यज्ञकर्ता बाबुराम रानाभाट, मोहोरियाबाट ५५ हजार पाँच सय, मेघबहादुर पुन ढुंगेपाटनबाट ५१ हजार पाँच सय ५५ र मूलकर्ता शाल्रि्राम/केदारनाथ लामिछानेबाट ५१ हजार एक सय पाँच रुपैयाँ दान भएको महायज्ञ मूल आयोजक समितिका कोषाध्यक्ष गंगाराम सुवेदीले बताए।

श्रीमद्भागवत् कथा वाचनका क्रममा प्रमुख वाचक भागवत भाष्कर पं. कमलनयन गौतमले जमिन, सम्पत्ति र बोली झगडाका तीन मुख्य कारक भएको बताउँदै त्यसलाई सन्तुलन मिलाउन सक्नु पर्ने बताए। साथै उनले द्रौपतीले दूयोर्धनलाई दुर्वाच्य बोलेका कारण महाभारत युद्धको बीऊ रोपिएको उल्लेख गरे।

“विभिन्न वर्ग, जाति, संस्कृतिलाई जोड्ने कुरा केही छ भने त्यो धर्म नै हो” पण्डित गौतमले भने-वेद, पुराण र भागवतले समाजलाई सत्मार्गतिर लैजान्छ।

राष्ट्रिय परोपकार महासंघको अग्रसरता तथा स्थानीय विभिन्न संस्थाको सहकार्यमा मंसिर २२ गते शुरु भएको विराट ज्ञान महायज्ञ २९ गतेसम्म सञ्चालन हुने छ।

वेगनासतालको संरक्षण सर्म्वर्द्धन तथा सो तालमा डुबेर अकालमा जीवन गुमाएका आत्माको उद्धारका लागि महायज्ञको आयोजना गरिएको महासचिव ध्रुवनाथ अधिकारीले बताए।

Related News

सम्बन्धित समाचार

  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…
  • राष्ट्रिय सम्पदाको शुभकामना

    आदर्श समाज सम्वाददाता असाेज ९, २०७९
    पोखरा । राष्ट्रिय सम्पदा तथा जनाधिकार संरक्षण समिति नेपालले शनिबार समसायिक विषयमा छलफलसहित शुभकामना आदानप्रदान गरेको छ । कार्यक्रममा दसैं,…
  • परिवार नियोजनको तालिम

    आदर्श समाज सम्वाददाता असाेज ९, २०७९
    पोखरा । नेपाल परिवार नियोजन संघ कास्कीको आयोजनामा बृहत् यौनिकता शिक्षा र लैंगिक तथा यौनिक अल्पसंख्यकसम्बन्धी तालिम सुरु भएको छ…
  • कस्केली अधिकृत समाजको शुभकामना

    आदर्श समाज सम्वाददाता असाेज ९, २०७९
    पोखरा । कस्केली अधिकृत समाज, कास्कीले विजयादशमी, दीपावली तथा छठलगायत अवसरमा शुभकामना आदानप्रदान गरेको छ । सो अवसरमा मिर्गौला तथा…
  • भिजन सहकारीमा नयाँ कार्यसमिति

    आदर्श समाज सम्वाददाता असाेज ९, २०७९
    पोखरा । भिजन बचत तथा ऋण सहकारी संस्था, पोखरा–१०, अमरसिंहचोकको संचालक समिति अध्यक्षमा श्रीमान् गुरुङ चयन भएका छन् । संस्थाको…

hero news full width