पोखरा-२६, वालबालिका भर्नाको सुनिश्चित वडा

आदर्श समाज सम्वाददाता
मंसिर २४, २०७५
Ramjyoti MaVi, LekhaNath_Fotor

लेखनाथ,२३ मंसिर ।आधारभुत तहसम्मको शिक्षा अनिवार्य गर्ने ब्यवस्थाअनुसार पोखरा महानगरपालिकाको २६ नं. वडालाई विद्यालयको (५-१२ वर्ष) उमेर समुहका वालबालिका भर्ना भएको सुनिश्चित वडा घोषणा गरिएको छ ।

आइतबार एक कार्यक्रमकाबीच वडालाई सुनिश्चित वडा घोषणा गर्दै पोखरा महानगरपालीकाका मेयर मानबहादुर जिसीले घोषणा कार्यक्रमले वडा शिक्षित वडा भएको प्रमाणित हुने र शिक्षाले नै आजका बालबालिका भोलीका असल नागरिक हुने वताए ।

मेयर जिसीले शिक्षा पाउने बालबालिकाको अधिकारलाई आधारभुत अधिकारको रुपमा नयाँ संविधानमा उल्लेख गरिएको र त्यसलाई अबका दिनमा कार्यान्वयन गर्न महानगर प्रतिवद्ध रहेको बताए ।विद्यालय बाहिर रहेका ६ जना विद्यार्थीहरुलाई वडा भित्रका विभिन्न विद्यालयहरुमा भर्ना गरेपछि वडालाई विद्यालय उमेर समुह -५-१२ वर्ष) उमेर समुहका वालबालिका भर्ना भएको सुनिश्चित वडा घोषणा गरिएको हो।

कार्यक्रममा विद्यालय निरीक्षक विश्वराज आचार्यले भर्ना गरिएका विद्यार्थीहरुलाई पर्ढाईमा निरन्तरता दिनको लागि रमाईलोसँग सिकाउने वातावरणको श्रृजना गर्नुपर्ने र जिल्ला शिक्षा कार्यालयको तर्फबाट पनि सहयोग गर्ने प्रतिवद्धता व्यक्त गरे । भण्डारढिक श्रोत केन्द्रका श्रोतव्यक्ति विष्णुप्रसाद तिवारीले वडाभित्रका विद्यालयहरुको शैक्षिक झलक प्रस्तुत गरेका थिए ।

कार्यक्रममा विद्यलय व्यवस्थापन समितिका अध्यक्ष रंगनाथ तिमील्सीना, पोखरा महानगरपालिकाका शैक्षिक प्रशासन महाशाखाका प्रमुख हेमप्रसाद आचार्य, सामुदायिक विद्यालयहरुको तर्फबाट नेपाल शिक्षक संघ कास्कीका अध्यक्ष उमेश भट्टराई, संस्थागत विद्यालयहरुको तर्फबाट न्यू एरा एकेडेमीका प्रिन्सिपल वेदप्रसाद वस्ताकोटीलगायतले बोलेका थिए । कार्यक्रममा विद्यार्थीहरुले विभिन्न नृत्यहरु प्रस्तुत गरेका थिए । कार्यक्रममा वडाभित्रका सामुदायिक र संस्थागत गरी १२ वटा विद्यालयको सहभागिता थियो । पोखरा महानगरपालिका वडा नं. २६ का वडाध्यक्ष नारायणप्रसाद बरालको अध्यक्षतामा सम्पन्न कार्यक्रममा रामज्योति माविका प्रधानाध्यापक गुमानाथ लामिछानेले स्वागत गरेका थिए । भण्डारढिक श्रोत केन्द्रका श्रोतव्यक्ति विष्णुप्रसाद तिवारीले कार्यक्रम संचालन गरेका थिए । सोही अवसरमा पोखरा महानगरपालिकाबाट प्रकाशित र स्रोत ब्यक्ति हेमराज आचार्यद्धारा संपादित स्थानीय परिबेश, धर्म सस्कृति, प्रकृति, धार्मीक तथा ऐतिहासिक स्थान र जीवनपद्धतिमा आधारित पुस्तकको समेत प्रमुख जिसीले विमोचन गरेका थिए ।

Related News

सम्बन्धित समाचार

  • क्षमता अभिवृद्धि तालिम सुरु

    आदर्श समाज सम्वाददाता मंसिर १६, २०७९
    पोखरा । इन्सेक गण्डकी प्रदेश कार्यालयद्वारा माछापुच्छ्रे गाउँपालिकामा मानवअधिकार समूहका सदस्य र सरोकारवालाका लागि क्षमता अभिवृद्धि तालिम सुरु भएको छ…
  • सडक महोत्सव समिति गठन

    आदर्श समाज सम्वाददाता मंसिर १६, २०७९
    पोखरा । रेस्टुरेन्ट एन्ड बार एसोसिएसन (रेवान) पोखराले अंग्रेजी नयाँ वर्षमा गर्दै आएको सडक महोत्सव सफल पार्न विशेष साधारण सभा…
  • हस्तकला तथा सीप तालिम प्रदर्शनी उद्घाटन

    आदर्श समाज सम्वाददाता मंसिर १६, २०७९
    पोखरा । प्रत्यक्ष अवलोकनमा आधारित महिला हस्तकला तथा सीप तालिम प्रदर्शनी शुक्रबारदेखि सुरु भएको छ । बिहीबार महिला सीप विकास…
  • वेगनासताल बसपार्क सरसफाइ अभियान

    आदर्श समाज सम्वाददाता मंसिर १६, २०७९
    लेखनाथ । वेगनास ताल नजिकै रहेको वेगनासताल बसपार्क सरसफाइका लागि वडा ३१ को कार्यालयले बिहीबारबाट सरसफाइ अभियान थालेको छ ।…
  • आजदेखि औद्योगिक व्यापार मेला

    आदर्श समाज सम्वाददाता मंसिर १६, २०७९
    पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु हुँदैछ । पोखरा उद्योग वाणिज्य संघले मंसिर १६ देखि २५ सम्म…

hero news full width