पोखरा, २३ मंसिर। प्रभात आर्टस् पोखराको २२ औं स्थापना दिवस अवसरमा तनहुँको भिमाद-२ स्थित बाल विकास माविमा सिसी क्यामेरा प्रदान गरिएको छ ।

आर्टस्का सञ्चालक तीर्थराज सुवेदीले बाबुआमाको नाउँमा स्थापना गरेको भक्तिकुष्मा फाउण्डेसन मार्फत सो सहयोग गरेका हुन् ।

लायन्स क्लब अफ पोखरा पिस सिटी र प्रतिष्ठानका संस्थापक तीर्थराज सुवेदी तथा परिवार भक्तिप्रसाद सुवेदी, कुष्मा देवी सुवेदी र शंकर सुवेदीले विद्यालयलाई सो क्यामरा हस्तान्तरण गरे।

सञ्चालक सुवेदीले विद्यालयको सुरक्षार्थ विभिन्न क्रियाकलापलाई सिसी क्यामेरामार्फत नियन्त्रण हुने आफूले विश्वास लिएको बताए।

विद्यालय व्यवस्थापन समिति अध्यक्ष इमानसिं थापाले विद्यालयको विकासका लागि गरिएको सहयोग सधैँ अनुकरणीय रहने बताए।

कार्यक्रममा लायन्स पिस सिटी, कम्प्युटर एशोसिएसन महासंघ कास्की, किहुँ अरुणोदय मिलन समाज पोखरा, नेपाल अर्बुद्ध रोग निवारण संस्था कास्कीले सहजीकरण गरेका थिए।