लम्तरी मन्दिर निर्माण गरिँदै

आदर्श समाज सम्वाददाता
मंसिर २३, २०७५
Lamtari Mandir_Fotor

पोखरा, २२ मंसिर । मादी गाउँपालिका वडा १० र ११ को चुलीमा प्रसिद्ध लम्तरी देवी मन्दिरको निर्माण हुने भएको छ ।

मन्दिर निर्माण व्यवस्थापन समितिले आधुनिक मन्दिर, तारबारसहितको कम्पाउण्ड, विश्रामस्थल, शौचालय र भान्सा घर एकैपटक निर्माण गर्ने योजना ल्याएको हो ।

मन्दिर निर्माणका लागि समितिसहित नादा समाज पोखरा, नादा समाज युके र नादा समाज हङकङलगायत संघसंस्था सक्रिय छन् ।

मन्दिर निर्माणका लागि ६३ लाख ९८ हजार रुपैयाँ संकलन भइसकेको मन्दिर निर्माण व्यवस्थापन समिति अध्यक्ष इश्वरबहादुर गुरुङले जनाए ।

संकलित रकममध्ये नादा समाज पोखराले २० लाख ३३ हजार, नादा समाज युकेले २१ लाख ९४ हजार र नादा समाज हङकङले २१ लाख ७१ हजार रुपैयाँ सहयोग गरेका हुन् । संकलित रकमको चेक शनिबार मन्दिर निर्माण व्यवस्थापन समितिलाई प्रदान गरेको छ ।

नादा समाज पोखराका अध्यक्ष आसपुर गुरुङ, नादा समाज युकेका संस्थापक अध्यक्ष उत्तरबहादुर गुरुङ र नादा समाज हङकङका अध्यक्ष लालप्रसाद गुरुङले निर्माण समिति अध्यक्ष इश्वरबहादुर गुरुङलाई चेक हस्तान्तरण गरेका हुन् ।

निर्माण समिति सचिव कृष्णबहादुर गुरुङले प्रतिवेदन प्रस्तुत गर्दै संकलित रकममध्ये मन्दिर निर्माणको पूर्वाधारमा करिब १६ लाख ९१ हजार रुपैयाँ खर्च भइसकेको जनाए । उनका अनुसार संकलित रकमबाहेक मादी गाउँपालिकाले शौचालय निर्माणका लागि ५ लाख र भान्साकोठा निर्माणका लागि ३ लाख गरी कुल ८ लाख बिनियोजन गरेको छ ।

कार्यक्रममा नादा समाज पोखराका अध्यक्ष नादा समाज पोखराका अध्यक्ष आसपुर गुरुङ, नादा समाज युकेका संस्थापक अध्यक्ष उत्तरबहादुर गुरुङ र नादा समाज हङकङका अध्यक्ष लालप्रसाद गुरुङ लगायतले बोलेका थिए ।

नादा समाज पोखराका अध्यक्ष एवं मन्दिर निर्माण समिति अध्यक्ष इश्वरबहादुर गुरुङको अध्यक्षतामा भएको कार्यक्रममा समाजका पूर्व उपाध्यक्ष नारायण गुरुङले स्वागत र सदस्य चेतबहादुर गुरुङले संचालन गरेका थिए । मन्दिर २०७६ वैशाखसम्म मन्दिर निर्माण हुने जनाइएको छ ।

Related News

सम्बन्धित समाचार

hero news full width