श्यामा श्याम सत्संगको सार्वजनिक सुनुवाइ

आदर्श समाज सम्वाददाता
मंसिर २३, २०७५
IMG_2250_Fotor

पोखरा, २२ मंसिर। श्यामा श्याम संत्सग पोखरा-१५ को शनिवार सार्वजनिक सुनुवाइ गरिएको छ।

जनप्रतिनिधि, जिल्ला प्रशासन कार्यालयका प्रतिनिधि, स्थानीय र संत्सगीको उपस्थितिमा सो कार्यक्रम भएको हो ।

सत्संगका पूर्व अध्यक्ष दिवाकर बास्तोलाले संस्थाको गतिविधि पारदर्शी बनाउनु पर्ने उल्लेख गर्दै जिल्ला प्रशासन कार्यालय कास्कीमा उजुरी दिएका थिए। सोही उजुरी आधारमा धार्मिक संस्थाका रुपमा रहेको सत्संगमा सार्वजनिक सुनुवाइ गरिएको हो।

सार्वजनिक सुनुवाइमा करिब २० जनाले आफ्ना धारणा राखेका थिए। धारणा राख्ने धेरैले संस्थामा उजुरी गरिएजस्तो अवस्था नरहेको बताएका थिए।

उजुरी दिएका पूर्व अध्यक्ष बास्तोलाले २०६७ सालदेखि संस्थामा आर्थिक अनियमितता हुँदै आएको भन्दै त्यसलाई मुख्य रुपमा उठाएका थिए। तर वर्तमान कार्यसमितितर्फबाट बास्तोला अध्यक्ष रहँदा मनोमानी ढंगबाट कार्य गरेको भन्दै उनको आलोचना गरिएको थियो।

‘सार्वजनिक सुनुवाइमा व्यक्त गरिएका धारणा समेटेर कार्यालयमा बुझाउँछु,’ जिल्ला प्रशासन कार्यालय कास्कीका प्रतिनिधि रामचन्द्र थापाले भने, ‘प्रतिवेदनमाथि आवश्यक छलफल गरी कार्यालयले समस्या समाधान गर्नेछ।’

कार्यक्रममा पोखरा १५ का वडाध्यक्ष प्रकाश पौडेलले मनको शान्ति खोज्ने धार्मिक संस्थामा विवाद र असमझ्दारी नसुहाउने उल्लेख गरे।

सार्वजनिक सुनुवाइमा शंकर खराल, मेघबहादुर छन्त्याल, राधा अधिकारी, हेरम्बराज पराजुली, शिवप्रसाद गौतम, ललितबहादुर भण्डारी, रमेश सापकोटा, सुशीला सुवेदी, गोविन्दप्रसाद बराल, हिरा कश्यप, रुद्र कुँवर, जयलाल अधिकारी, विमला गुरुङ, रुद्रमणि ढकाल, बालकृष्ण सुवेदी, हरि लामिछानेले धारणा राखेका थिए।

श्यामा श्याम सत्संगका अध्यक्ष नारायणबहादुर बानियाँको अध्यक्षतामा भएको कार्यक्रम सचिव धनबहादुर थापाले संचालन गरेका थिए।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…
  • पोखरा वडा १२ मा हस्तकला तालिम सुरु

    आदर्श समाज सम्वाददाता फागुन १५, २०८०
    पोखरा । पोखरा महानगरपालिका वडा नं. १२ को आयोजना तथा विधाता हस्तकला तथा प्राविधिक तालिम केन्द्रको सहकार्यमा महिलाहरूका लागि एक…
  • पोखराको भवन मापदण्ड : ५ तलामाथिका घरमा लिफ्ट अनिवार्य

    आदर्श समाज सम्वाददाता फागुन १५, २०८०
    पोखरा । पोखरा महानगरपालिकाले नयाँ मापदण्ड सार्वजनिक गरेको छ । २०३१ को भौतिक विकास योजना, २०५५ सालको एकीकृत कार्यमूलक योजना,…

hero news full width