लोक सेवा खोल्दै गण्डकी सरकार

आदर्श समाज सम्वाददाता
मंसिर २०, २०७५

पोखरा, १९ मंसिर । प्रदेशमा सरकार गठन भएको वर्ष दिन बितिसक्दा पनि कर्मचारी चलाउन नपाउँदा सरकार गठनको अनुभूति महसुस हुन सकेको छैन ।

संघ सरकारले कर्मचारीको समायोजन नगर्दा नियमित काममा समेत चुनौती कायमै छ।

तर गण्डकी सरकारले चाहीँ तत्काल कर्मचारी नपठाए करारमै भए पनि कर्मचारी भर्ना गर्ने चेतावनी संघ सरकारलाई दिएको छ । प्रदेश समन्वय परिषद् बैठकबाट जतिसक्दो छिटो कर्मचारी पठाइदिन आग्रह गरेको छ । केन्द्र सरकारले पुस मसान्तभित्र समायोजन गरिसक्ने सान्त्वना दिएको छ । यद्यपि गण्डकी सरकारले कर्मचारीको समस्या स्थायी रुपमै समाधान गर्न लोक सेवा आयोग गठनको तयारी थालेको छ ।

प्रदेशको बुधबार बसेको मन्त्रिपरिषद् बैठकले लोक सेवा आयोग गठनसम्बन्धी प्रस्ताव पारित गरेको हो । ‘प्रदेश लोक सेवा आयोगको लागि कानून तर्जुमा गर्ने स्वीकृति दियौं,’ बैठकपछि सरकारका प्रवक्ता रामशरण बस्नेतले भने, ‘संविधानले दिएको अधिकार सरकारले प्रयोग गरेको हो । आयोग गठनपछि कर्मचारी भर्ना र बढुवामा सहज हुनेछ ।’ आयोग बनेपछि कर्मचारी भर्ना, छनोट तथा पदपूर्र्ति, बढुवा लगायत काम सहज हुनेछ ।

बुधबारको बैठकले प्रदेश तालिम प्रतिष्ठानसम्बन्धी कानून तर्जुमाका लागि सैद्धान्तिक स्वीकृति समेत दिएको छ । प्रतिष्ठानले गण्डकी प्रदेशभित्र रहेका जनप्रतिनिधि तथा कर्मचारीलाई विभिन्न विषयमा तालिम दिनेछ । सरकारले वातावरण तथा जलवायू परिवर्तन नीति र वन तथा जलाधार व्यवस्थापन नीतिको मस्यौदा स्वीकृत गरी थप छलफल गर्न आर्थिक तथा सामाजिक विकास समितिमा पठाएको छ । वन तथा वातावरण संरक्षण एवं व्यवस्थापन कार्यक्रम कार्यान्वयन कार्यविधि सैद्धान्कि स्वीकृतिपछि प्रशासन तथा विधेयक समितिमा पठाइएको छ ।

मन्त्रिपरिषद्ले यसअघि नीति तथा योजना आयोगको विज्ञको रुपमा नियुक्ति पाएका विष्णुराज बराललाई आयोगको सदस्यमा नियुक्त गरेको छ ।

सहायक मन्त्री सरहको सेवा सुविधा पाउने गरी उनलाई नियुक्त गरिएको मन्त्रालयका सचिव लालमणि ओझाले जानकारी दिए ।

Related News

सम्बन्धित समाचार

  • विद्यार्थीलाई गुन्द्री बुन्नेदेखि दुनाटपरी तयार गर्ने सीप

    रासस मंसिर १६, २०७९
    पाल्पा । आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा यहाँको एक विद्यालयले प्रयोगात्मकसँगै व्यवहारिक ज्ञान, सीप…
  • गोरखकाली रबर उद्योग : चिनियाँ टोलीको उद्योग सञ्चालनमा चासो

    प्रकाश ढकाल मंसिर १६, २०७९
    पोखरा । नेपालमा भारत, चीन, इटाली, अमेरिकालगायत देशबाट बढी टायर भित्रिन्छ । बर्सेनि १२ अर्ब रुपैयाँभन्दा बढी टायर खरिदमा नेपालले…
  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…

hero news full width