हेमजा, १९ मंसिर। नेपाली काँग्रेस हेमजाका पूर्व सभापति धनबहादुर सापकोटाको १३ औं दिनको पुण्यतिथीमा नेपाली काँग्रेस हेमजाले बुधवार शोकसभा गरेको छ।

काँग्रेस नेता शुक्रराज शर्माले सापकोटा प्रजातन्त्रको एक योद्घा भएको स्मरण गर्दै पार्टीमा उनको योगदान अविस्मरणीय रहेको जनाए। स्व. सापकोटा स्पष्ट वक्ता रहेको पनि काँग्रेेस नेता शर्माले स्मरण गरे ।

काँग्रेस जिल्ला सभापति कृष्ण केसीले स्व. सापकोटा सामाजिक व्यक्तित्व भएको दाबी गर्दै उनको व्यक्तित्वबाट सिंगो समाजले पाठ सिक्नुपर्नेमा जोड दिए।

कार्यक्रममा काँग्रेस क्षेत्रीय सभापति पोषनाथ शर्मा, महासमिति सदस्य रामचन्द्र त्रिपाठी, पूर्व सांसद शारदा पौडेल, नगर सभापति बजिरमान श्रेष्ठ, इकाइ सहसंयोजक दानबहादुर थापा, पूर्व सभापति माधवशरण बास्तोला लगायतले स्व. सापकोटाको योगदानको स्मरण गरेका थिए।

नेपाली काँग्रेस हेमजा संयोजक मधुसुदन त्रिपाठीको अध्यक्षतामा सम्पन्न उक्त कार्यक्रममा सहसंयोजक दानबहादुर थापाले स्वागत र इकाइ सचिव मोतिराज तिमिल्सिनाले संचालन गरेका थिए।