पोखरा, १० मंसिर। संस्कृति, पर्यटन तथा नागरिक उडड्यन मन्त्री रवीन्द्र अधिकारीले वाइडबडी जहाज खरिद प्रक्रियामा दोषी ठहरिनेलाई कारबाही हुने बताएका छन्।
‘संसदीय समिति र अख्तियारले छानबिन गरिरहेको छ,’ उनले भने, ‘खरिद प्रक्रियामा जसको गल्ति देखिन्छ, उसलाई कारबाही हुन्छ।’
पोखरामा सोमबार आफैले आयोजना गरेको पत्रकार सम्मेलनमा उनले छानबिनको प्रतिवेदन नआएसम्म यसै हो भन्न नसकिने बताए।
खरिद प्रक्रियाको त्रुटी बाहिर ल्याउन र दोषीलाई कारबाही गर्न आफ्नो सहयोग रहेको बताउँदै उनले छानबिनलाई सहयोग गर्न मातहत निकायलाई निर्देशन दिएको उल्लेख गरे।
उनले बाहिर भनिएजस्तो वाइडबडी भाडामा भने नल्याइएको स्पष्ट पारे। ‘पच्चीस करोड भन्सार तिरिएको छ । अर्थ मन्त्रालयबाट रकम गएको छ, क्यानले सर्टिफाइड गरेको छ,’ उनले भने, ‘भाडामा ल्याएकोबारे कतैबाट पुष्टि भएको छैन।’
मन्त्री अधिकारीले सरकारले आर्थिक वर्ष २०७१/०७२ देखि नै जहाज खरिदका लागि योजना ल्याएको र आर्थिक वर्ष ०७३/०७४ मा सबै प्रक्रिया सकिएको दाबी गरे।
‘मैले मन्त्रालयको जिम्मेवारी लिनु अघि नै सबै प्रक्रिया सकिएको थियो,’ उनले भने, ‘मैले जिम्मेवारी लिएपछि जहाज आएको हो।’
उनले हवाइ क्षेत्रमा सुशासन ल्याउन खोजेपछि नाजायज फाइदा लुटिरहेकाहरु आत्तिएर आफूलाई आक्रमण गरिरहेको बताए। उनले हवाइ सेवालाई अन्तर्राष्ट्रियस्तरको बनाउन प्रयास गरिएको जानकारी दिए।
मन्त्री अधिकारीले पोखरामा निर्माणाधीन क्षेत्रीय अन्तर्राष्ट्रिय विमानस्थल निर्माण कार्य ‘फूल फेज’ मा अघि बढेको बताए।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१