हेमजा, १० मंसिर। हेमजास्थित धवलागिरी बोर्र्डिङ स्कूलमा सोमवार निःशुल्क दन्त शिविर सम्पन्न भयो।

पोखरा न्यूरोडस्थित कान्तिपुर इन्स्टिच्युड अफ हेल्थ साइन्सेस एण्ड कान्तिपुर डेन्टल हस्िपटलको आयोजनामा भएको शिविरमा डेन्टल हाइजेनिष्ट अञ्जु विकको नेतृत्वमा १८ जनाको टोली खटिएको थियो। शिविरमा कक्षा युकेजीदेखि १० सम्मका ६ सय विद्यार्थीको दन्त परीक्षण गर्नुका साथै १४ विद्यार्थीको सामान्य दाँत भर्ने तथा २३ विद्यार्थीको दात झिक्ने कार्य गरिएको विद्यालयका को-अर्डिनेटर शिक्षक प्रदीप सापकोटाले जानकारी दिए।

शरीरको वृत्ति विकासका लागि हरेक कुरा दाँतले चपाएर खानुपर्ने भएकाले दाँतको सुरक्षामा सबै चनाखो हुनुपर्ने डेन्टल हाइजेनिष्ट विकको भनाइ छ।

विद्यालयका सहायक प्रअ चन्द्रकान्त भट्टराईले विद्यार्थीको स्वास्थ्य अवस्थाप्रति विद्यालय प्रशासन गम्भीर रहेको जनाउँदै विद्यालय खाजामा फास्ट फुडलाई निरुत्साहित गरेको उल्लेख गरे।