मोटरसँगै जोडियो खुसी

ठूलाखेत-प्याउदी ठूलाचौर-पञ्चासे बाटो सञ्चालनमा

आदर्श समाज सम्वाददाता
मंसिर १०, २०७५
hemja yatayat photo

हेमजा, ९ मङ्सिर ।ठुलाखेत-प्याउदी ठूलाचौर-प्रेमेस्ती-भदौरे-पंचासे मोटरबाटो निर्माण भएसँगै सो सडकमा आइतवारदेखि जीप संचालन हुन थालेपछि त्यस क्षेत्रका बासिन्दामा खुशीयाली छाएको छ ।

जीप संचालनमा आएसँगै सो क्षेत्रका बासिन्दाले आफूहरु विरामी हुँदा उपचारका लागि सजिलै पोखरा र्झन सक्ने, स्थानीय उत्पादनले बजार पाउने, गाडी रिर्जर्व गरेर महङ्गो शुल्क तिरी गाउँ जाने आफूहरुको बाध्यता टर्ने तथा छोटो समयमै गाँउबाट पोखरा र्झन सक्ने विश्वासका साथ उनीहरु खुशी भएका हुन् ।

शनिवार मात्रै सम्पन्न उक्त बाटोमा आइतवारदेखि दुर्इ भाडाका जीप संचालनमा आएका छन् । स्थानीयले आइतवार ७ यात्रु लिएर सोही बाटो हुँदै भदौरेबाट पोखरा हल्लनचोकका लागि छुटेको ग १ ज ४८१० नंं. को जीपका चालक भदौरेनिवासी मीनबहादुर गुरुङ तथा गुरुङ सामुदायिक होमस्टेका रुपेश गुरुङलगायतको टोलीलाई ठूलाचौरमा भजन चुड्काले साथै त्यस क्षेत्रबाट पोखरा झरेका वासिन्दाले लेकसाइडमा अविर र खादा लगाई स्वागत गरेका छन् ।

हल्लनचोकदेखि भदौरेसम्म २० किलोमिटर लम्बाईको सो सडक पोखरा-बाग्लुङ राजमार्गको वैकल्पिक मार्ग बन्न सक्ने अपेक्षा गरिएको छ । त्यसका साथै अन्नपूर्ण गाउँपालिकाको रिङरोडको अवधारणालाई पनि बाटोले सहयोग गर्ने, पन्चासेको पर्यटन एवं धार्मिक क्षेत्रमा टेवा पुग्ने, पन्चासे क्षेत्रमा जानलाई पोखराबाट छिटो हुने विश्वास पनि गरिएको छ । जसबाट पोखरा २३ र २४ तथा अन्नपूर्ण गाउँपालिकाका वडा नं. १, २, ३, ४ र ५ वासी प्रत्यक्ष लाभान्वित हुने जनाइएको छ ।

२२ दिन लगाएर सम्पन्न गरिएको उक्त बाटो निर्माण गर्न पछिल्लो चरणमा रु.२२ लाख खर्च भएको छ ।जसमध्ये ५ लाख गाउँपालिकाले सहयोग गरेको समितिका अध्यक्ष सूर्य दाहालले बताए । यात्राका क्रममा दुर्इ ठाउँ झाक्री थानको छेउ तथा कमेरे गौँडा भन्ने ठाँउमा बाटोको अवस्था सुधार गर्नुपर्ने महशुस आफूले गरेको जीप चालक गुरुङको भनाई छ ।

जीपमा सवार गुरुङ सामुदायिक होमस्टे भदौरेका प्रोप्राइटर रुपेश गुरुङले बाटो खुलेसँगै सो क्षेत्रका बस्तीहरु उज्यालो भएको तर्क गर्दै बाटोको प्रयोग गरी जंगल सफारी गर्न सकिने पनि बताए । उनले काँडे-धारापानी हुँदै पोखरा निस्कन भन्दा सो सडक प्रयोग गरेमा आधा घण्टा छिटै पोखरा र्झन सकिने पनि जनाएका छन् ।

गणपति टुर्स एण्ड ट्राभल पोखराका निर्देशक रामचन्द्र दाहालले पंचासे यात्राका लागि उक्त बाटो लाभदायक रहेको दाबी गरे । उनले उक्त बाटोबाट रमाइला दृष्यहरु अवलोकन गर्दै यात्रा गर्न पाइने पनि बताए । सवारी आवातजावत भएसँगै बाटोको सेवा क्षेत्रमा विकासको लहर खुल्ने स्थानीयको अपेक्षा छ ।चूडामणि दाहाल (राजु)को संयोजन, किशोर दाहालको विशेष सहयोगमा भएको कार्यक्रम मोटरबाटो निर्माण समितिका अध्यक्ष सूर्य दाहालको अध्यक्षतामा तुलसी दाहालले संचालन गरेका थिए ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width