राममन्दिरको १५ औं साधारणसभा

जति गर्न सक्छौं त्यतिमात्र बोलौं : कुँवर

आदर्श समाज सम्वाददाता
मंसिर ९, २०७५

पोखरा, ८ मंसिर। गण्डकी प्रदेश प्रमुख बाबुराम कुँवरले कुरा अनुरुपको काम र काम अनुरुपको कुरा हुुनुपर्ने बताएका छन्।

राममन्दिर सञ्चालक समिति पोखरा-१७ को १५ औं वाषिर्क साधारण सभाको शनिवार उद्घाटन गर्दै प्रदेश प्रमुख कुु’वरले उक्त कुरा बताएका हुन्।

सामाजिक क्षेत्रमा क्रियाशीलताका आधारमा मानिस युवक हुने उल्लेख गर्दै उनले भने- सक्रिय छ भने वृद्ध पनि युवा हुन्छ।

साथै उनले धार्मिक, सामाजिक क्षेत्रमा युवा पिँढीको सहभागिता कम हुँदै गएकोमा चिन्ता व्यक्त गरे।

सांसद वृन्दा रानाले सामाजिक क्षेत्रमा आफूले सक्दो सहयोग गर्ने बताइन्।

कार्यक्रममा पोखरा-१७ का वडाध्यक्ष तीर्थराज अधिकारी, पोखरा उद्योग वाणिज्य संघका महासचिव अर्जुन पोखरेल, मन्दिरका आजीवन सदस्य पिताम्बर बराल, दुर्गा मन्दिर व्यवस्थापन समितिका अध्यक्ष दुर्गाबहादुर थापा, रामेश्वर टोल विकास समितिका अध्यक्ष लीलाप्रसाद पगेनीले शुभकामना मन्तव्य राखेका थिए।

समारोहमा विभिन्न संस्था तथा व्यक्तिलाई सम्मान गरिएको थियो। यसरी सम्मानित हुनेमा मन्दिरलाई कम्प्युटर सौजन्य गर्ने हितकाजी गुरुङ, सोलार बत्ति सौजन्य गर्ने राजु पौडेल र आर्युवेद पथ टोलविकास संस्था, कापेट सौजन्य गर्ने पवन कुमार र विविध सहयोग गर्ने गुप्तेश्वर गुफा व्यवस्थापन समिति, विश्वहिन्दू महासंघ, स्वामी नारायण मुक्तिनाथ विकास ट्रष्ट र लीलाभक्त आचार्य फाउण्डेशन रहेका छन्।

मन्दिर समितिका अध्यक्ष लीलाभक्त आचार्यको अध्यक्षतामा भएको कार्यक्रममा उपाध्यक्ष रुद्रनाथ बरालले स्वागत सचिव पुण्डरीप्रसाद बरालले प्रगति प्रतिवेदन तथा कोषाध्यक्ष गंगाधर पौडेलले आर्थिक प्रतिवेदन प्रस्तुत गरेका थिए।

अध्यक्षमा लीलाभक्त

श्रीराम मन्दिर सञ्चालक समितिको शनिवार सम्पन्न १५ औं वाषिर्क साधारणसभाले लीलाभक्त आचार्यको अध्यक्षतामा सर्वसम्मत नयाँ कार्यसमिति चयन गरेको छ। उक्त समितिका सदस्यमा पुण्डरीप्रसाद बराल, गंगाधर पौडेल, माधवप्रसाद बराल, डिल्लीरमण पोखरेल, गीता सुवेदी, इन्दिरा थापा, रामप्रसाद सुवेदी र रेशमीराज सुवेदी चयन भएका छन्। अध्यक्षले चार जना सदस्य मनोनित गर्ने तथा कार्यसमितिले कार्यविभाजन गर्ने प्रावधान रहेको निर्वाचन समिति संयोजक रितबहादुर थापाले जानकारी दिए। थापाको संयोजकत्वमा गठित निर्वाचन समितिले निर्वाचन सम्पन्न गरेको थियो। समितिका सदस्यमा लक्ष्मण कार्की, कृष्णप्रसाद पौडेल र भोजराज बराल रहेका थिए।

Related News

सम्बन्धित समाचार

  • लायन्स डेस्टिनेसनमा सन्तोष

    आदर्श समाज सम्वाददाता चैत्र १०, २०७९
    पोखरा । लायन्स क्लब अफ पोखरा डेस्टिनेसनको वर्ष २०२३/०२४ मा सन्तोष शर्मा अध्यक्ष चयन भएका छन् । लायन्स क्लब डिस्ट्रिक्ट…
  • वाद्यवादन सामग्री विरतण

    आदर्श समाज सम्वाददाता चैत्र १०, २०७९
    पोखरा । पोखरा महानगरपालिका वडा १२ ले वडाका आमा समूहलाई वाद्यवादन सामग्री वितरण गरेको छ । बुधबार ९ आमा समूहलाई…
  • ६८ युनिट रगत संकलन

    आदर्श समाज सम्वाददाता चैत्र १०, २०७९
    लेखनाथ । गण्डकी मिजार समाज पोखरा–२६ सक्नेरीले बिहीबार आयोजना गरेको कार्यक्रममा ६८ युनिट रगत संकलन भएको छ । कार्यक्रमको शुभारम्भ…
  • अकुपेन्सी बढ्नेमा व्यवसायी आशावादी

    आदर्श समाज सम्वाददाता चैत्र १०, २०७९
    पोखरा । १८ औं फेवा नव वर्ष महोत्सव सफलतापूर्वक सम्पन्न गर्न मूल आयोजक समितिले काम थालेको छ । यसका लागि…
  • प्रभावकारी बन्दै ओएसटी कार्यक्रम

    आदर्श समाज सम्वाददाता चैत्र १०, २०७९
    पोखरा । लागुऔषधको मौखिक प्रतिस्थापन उपचार (ओएसटी) पद्धतिको प्रभावकारी कार्यान्वयनका लागि सामूहिक प्रयासको आवश्यकता औंल्याइएको छ । कम्युनिटी सपोर्ट ग्रुप…

hero news full width