सफल पोखरा एक्स्पो मंसिर १३ देखि

आदर्श समाज सम्वाददाता
मंसिर ७, २०७५
Safal Expo

पोखरा, ६ मंसिर ।  पोखरा उद्योग वाणिज्य संघको आयोजनामा मंसिर १३  देखि २४ गतेसम्म ‘सफल पोखरा एक्स्पो’ हुने भएको छ ।

‘लगानीको सर्म्बर्द्धन : उद्योग व्यवसायको प्रबर्द्धन’ भन्ने मूल नारासहित नयाँबजारस्थित प्रदर्शनी केन्द्रमा एक्स्पोको आयोजना गर्न लागेको हो ।

संघले यसअघि गर्दै आएको राष्ट्रिय औद्योगिक व्यापार मेलाको परिष्कृत रुप दिन यस वर्षदेखि सफल पोखरा एक्स्पो साथमा तेस्रो मोबाइल मेला सँगसँगै आयोजना गर्न लागेको विहीवार आयोजित पत्रकार सम्मेलनमार्फत जानकारी दियो । सांस्कृतिक कार्यक्रमसहित औद्योगिक उत्पादनलगायतका करिब ३ सय स्टलहरु र बाल उद्यान एक्स्पोको मुख्य आकर्षण रहने पोखरा उद्योग वाणिज्य संघका अध्यक्ष दामु अधिकारीले जानकारी दिए ।

सांस्कृतिक कार्यक्रमतर्फ लोकदोहोरी प्रतियोगिता, नेपालका ख्यात्रि्राप्त ब्याण्डको सांगीतिक प्रस्तुति, विद्यालयस्तरीय लोकनृत्य प्रतियोगिता, रत्यौली प्रतियोगिता, पप कर्न्र्सट, हास्य कलाकारद्वारा मनोरञ्जनात्मक कार्यक्रम, प्रवेश टिकटमा दैनिक पुरस्कारको व्यवस्था, बम्पर पुरस्कार, उत्कृष्ट स्टललाई पुरस्कार, चमेनागृह, बाल उद्यान एक्स्पोको विशेष आकर्षण रहने छ ।

एक्सपोमा आधुनिक डोम र साधारण गरी ३ सय स्टलहरु रहनेछन् । ती स्टलहरुमध्ये २० वटा स्टलहरु औद्योगिक उत्पादनका सामग्रहरु प्रदर्शनीका लागि राखिनेछ ।

पोखरा औद्योगिक क्षेत्रमा रहेका उद्योग तथा अन्य उद्योगहरुको सहभागिताले यस एक्स्पो उद्यमशीलता चाहनेहरुको लागि महत्वपूर्ण गन्तव्य बन्ने अध्यक्ष अधिकारीले जनाए ।

उनका अनुसार नेपाल पर्यटन बोर्ड एवं पोखरा पर्यटन परिषदको सहकार्यमा एक्स्पोमा होमस्टे प्रबर्द्धन तथा पर्यटकीय गन्तव्यबारे जानकारी दिने स्टलहरु पनि रहनेछन् । एक्स्पोको अवलोकन गर्ने अनुमान गरिएको छ । एक्स्पोको ८५ प्रतिशत स्टलहरु बुकिङ भइसकेको अध्यक्ष अधिकारीले जानकारी दिए ।

एक्स्पोमा राष्ट्रिय तथा अन्तर्राष्ट्रिय उत्पादन, दैनिक उपभोग्य खाद्यवस्तु, लत्ताकपडा, पुष्प प्रदर्शनी, हस्तकलाका सामग्री, अटो प्रदर्शनी, महिलाहरुद्धारा उत्पादित सामाग्रीहरु विशेष छुटमा पाइने जनाइएको छ ।

विभिन्न ब्राण्डका मोवाइल फोन तथा इलेक्ट्रोनिक सामान मेलाको थप आकर्षण रहने छ । मोवाइल वितरक संघ पोखराका अध्यक्ष शिवहरि पहारीले नयाँ ब्राण्डको मोवाइलको प्रबर्द्धनका लागि तेस्रो संस्करणको मोवाइल मेला गर्न लागिएको बताए । उनका अनुसार मेलामा पुराना मोवाइलसँग नयाँ मोवाइल साटफेर गर्न सकिनेछ ।

एक्स्पोलाई लक्ष्मी हाउसले सहयोग गर्ने भएको छ । लक्ष्मी समूह सफल ब्राण्ड एक्स्पोको टाइटल स्पोन्सर रहने छ । मोबाइल बितरक संघ पोखराले विगतमा जस्तै यस वर्ष पनि एक्स्पोसँगै सहकार्य गर्ने भएको छ ।

करिब २ लाख दर्शकले एक्स्पोको अवलोकन गर्ने अनुमान छ । एक्स्पो तथा मोवाइल मेलाको तयारी प्रचार प्रसार तीव्र पारिएको अध्यक्ष अधिकारीले जनाए । एक्स्पोमा प्रवेश टिकट सर्वसाधारणका लागि ६० र विद्यार्थीका लागि ४० रुपैयाँ’ तोकिएको छ ।

प्रत्येक टिकटबाट पोखरा उद्योग वाणिज्य संघद्वारा संचालित बालश्रम न्यूनिकरण कार्यक्रमका लागि एक रुपैयाँ’ प्रदान गरेर बालश्रमविरुद्ध अभियानमा ऐक्यबद्धता जनाउने बताएको छ ।

एक्स्पोबाट आम्दानी ९० लाख र ६० लाख खर्च तथा ३० लाख बचत हुने अनुमान आयोजकको छ । एक्स्पोबाट बचत रकम प्रदर्शनी केन्द्रको भौतिक निर्माण तथा विभिन्न सामाजिक र व्यावसायिक उत्थानको क्षेत्रमा खर्च गरिने बताइएको छ ।

Related News

सम्बन्धित समाचार

  • क्षमता अभिवृद्धि तालिम सुरु

    आदर्श समाज सम्वाददाता मंसिर १६, २०७९
    पोखरा । इन्सेक गण्डकी प्रदेश कार्यालयद्वारा माछापुच्छ्रे गाउँपालिकामा मानवअधिकार समूहका सदस्य र सरोकारवालाका लागि क्षमता अभिवृद्धि तालिम सुरु भएको छ…
  • सडक महोत्सव समिति गठन

    आदर्श समाज सम्वाददाता मंसिर १६, २०७९
    पोखरा । रेस्टुरेन्ट एन्ड बार एसोसिएसन (रेवान) पोखराले अंग्रेजी नयाँ वर्षमा गर्दै आएको सडक महोत्सव सफल पार्न विशेष साधारण सभा…
  • हस्तकला तथा सीप तालिम प्रदर्शनी उद्घाटन

    आदर्श समाज सम्वाददाता मंसिर १६, २०७९
    पोखरा । प्रत्यक्ष अवलोकनमा आधारित महिला हस्तकला तथा सीप तालिम प्रदर्शनी शुक्रबारदेखि सुरु भएको छ । बिहीबार महिला सीप विकास…
  • वेगनासताल बसपार्क सरसफाइ अभियान

    आदर्श समाज सम्वाददाता मंसिर १६, २०७९
    लेखनाथ । वेगनास ताल नजिकै रहेको वेगनासताल बसपार्क सरसफाइका लागि वडा ३१ को कार्यालयले बिहीबारबाट सरसफाइ अभियान थालेको छ ।…
  • आजदेखि औद्योगिक व्यापार मेला

    आदर्श समाज सम्वाददाता मंसिर १६, २०७९
    पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु हुँदैछ । पोखरा उद्योग वाणिज्य संघले मंसिर १६ देखि २५ सम्म…

hero news full width