पोखरा, ६ मंसिर । पोखरा-१ बगरस्थित हनुमान गल्ली व्यवसायी संघले पोखरा उद्योग वाणिज्य संघको ३२ औं महाधिवेशनबाट निर्वाचित भएकाहरुलाई सम्मान गरेको छ ।

हनुमान गल्लीमा विहीवार आयोजित कार्यक्रममा संघका पदाधिकारी एवं सदस्यले निर्वाचितहरुलाई सम्मान गरेका थिए ।

पोखरा उद्योग वाणिज्य संघका अध्यक्ष दामु अधिकारीले संघले शिक्षा, स्वास्थ्य, पर्यटन र कृषिलाई प्राथमिकता दिने बताए ।

संघका महासचिव अर्जुन पोखरेलले संघको गरिमालाई उचो बनाउँदै व्यावसायिक हकहित र अधिकार स्थापित गराउने उल्लेख गरे ।

कार्यक्रममा हनुमान गल्ली व्यवसायी संघका व्यवसायी विष्णु बास्तोलाले बजार क्षेत्रमा व्यवस्थित पार्किङ र व्यावसायिक वातावरण निर्माणका लागि पहल गर्न ध्यानाकर्षण गराइएको थियो ।

हनुमान गल्ली व्यवसायी संघका कार्यवाहक अध्यक्ष प्रकाश बास्तोला ‘विष्णुु को अध्यक्षतामा भएको कार्यक्रममा कोषाध्यक्ष इश्वरी आचार्यले स्वागत र सहसचिव नरेन्द्रप्रसाद आचार्यले संचालन गरेका थिए ।