पोखरा, ६ मंसिर । ओम डेभलपमेन्ट बैंक लि.ले पोखरा २ को अर्चलबोट आमा समूहलाई डस्टबिन, कुचो लगायत सरसफाइ सामग्री प्रदान गरेको छ ।

आमा समूह अध्यक्ष कल्पना पराजुली र वडा २ का कार्यबाहक अध्यक्ष प्रमोद पराजुलीलाई बैंकका प्रमुख कार्यकारी अधिकृत विश्वमोहन अधिकारीले सो सामग्री हस्तान्तरण गरेका हुन ।

ती सामग्री विन्ध्यवासिनी मन्दिर, वडा २ को कार्यालयहुँदै पोखरा बाग्लुङ राजमार्ग वरिपरी राखिने वडा सदस्य तथा संयोजक गौतम विजुक्छेले बताए ।

बैंकले सामाजिक उत्तरदायित्वअन्तर्गत विभिन्न संघ-संस्थाहरुलाई यसैगरी आर्थिक, भौतिक सहयोग गर्दै आएको छ ।

ओम डेभलपमेन्ट बैंकले असोज मसान्तसम्म २१ अर्ब ९६ करोड निक्षेप संकलन गरी १९ अर्ब ०४ करोड कर्जा लगानी गरेको छ । बैंकको शाखा संख्या ५३, ग्राहक संख्या करिब २ लाख ६० हजार, एटिएम संख्या १९ रहेका छन् । विकास बैंकहरुमध्ये शाखा रहित बैकिङ सेवा प्रदान गर्ने पहिलो विकास बैंक ओम हो ।

बैंकले प्राइम कमर्सियल बैंकसँंग एक्बिजिसनमा जान हालैमात्र समझदारीपत्रमा हस्ताक्षर गरेको छ ।