चितवन, ५ मंसिर । नेपाल कम्युनिष्ट पार्टी (नेकपा) अध्यक्ष पुष्पकमल दाहालले द्वन्द्वपीडितका समस्या आगामी असारसम्म समाधान हुने बताएका छन् ।
प्रेस चौतारी र प्रेस सेन्टर चितवनले बुधबार भरतपुर विमानस्थलमा आयोजना गरेको पत्रकार सम्मेलनमा बोल्दै उनले द्वन्द्वपीडितका बाँकी काम जेठ/असारसम्म पूरै टुंगो लाग्ने बताए ।
उनले भने, “प्रधानमन्त्रीकै चाहनाको कुरा गर्ने हो भने युनाइनेड नेसनमा, एशिया सोसाइटीमा, कोस्टारीकामा जस्तो स्टेटमेन्ट दिनुभएको छ । त्यसले शान्तिप्रक्रियाका बाँकी कामहरु र पीडितहरुलाई परिपूरणका कुराहरु या सत्य निरुपण र बेपत्ताहरुका कुराहरु आउने जेठ असारसम्म पूरै टुंगाउने किसिमले काम भइरहेको छ ।”
द्वन्द्वपीडितको अवस्था विगतको भन्दा राम्रो भएको दाबी गर्दै उनले विस्तृत शान्तिसम्झौता भएको १२ वर्ष पुग्दा पनि द्वन्द्वपीडितको अवस्था जस्ताको जस्तै रह्यो भन्नु गलत भएको बताए । उनले भने, “द्वन्द्वपीडितहरुको पीडा जस्ताको उस्तै चाहिँ छैन । पहिलाको भन्दा त धेरै घटेको छ । तैपनि अब हामी राजनीतिक तह र कानूनी तहमा पनि गम्भीर रुपले समाधानका लागि गृहकार्य गरिराखेका छौं ।”
चितवन क्षेत्र ३ बाट निर्वाचित सांसद समेत रहेका दाहालले भरतपुर विमानस्थलको विस्तार गर्ने कार्य छलफलको क्रममा रहेको बताए । भरतपुर विमानस्थल जोखिमपूर्ण छ, यसको विस्तारको काम के भइरहेको छ भन्ने पत्रकारको प्रश्नमा उनले भने, “भरतपुर विमानस्थल विस्तारको काम अहिले छलफलमै छ ।”
न्यायपालिकाको अस्तित्व समाप्त : देउवा
नेपाली काँग्रेसका सभापति शेरबहादुर देउवाले दुर्इ तिहाइ बहुमतको कम्युनिष्ट सरकार स्वतन्त्र न्यापालिकाको अस्तित्व समाप्त पार्न लागिपरेको आरोप लगाएका छन् ।
नेपाल डेमोक्रयाटिक लयर्स एशोसियसनको २९औँ स्थापना दिवसका अवसरमा काठमाडौंमा आयोजित कार्यक्रमलाई सम्बोधन गर्दै उनले व्यवस्थापिका र कार्यपालिकाको गलत क्रियाकलाप रोक्ने स्वतन्त्र न्यायपालिकालाई सरकारको दबाबमा राख्न खोजिएको बताएका हुन् ।
नेपाल बार एशोसियसनको आगामी नेतृत्व लोकतन्त्र र स्वतन्त्र न्यायपालिकालाई सुरक्षित गर्न सक्ने निर्वाचित हुनुपर्नेमा उनको जोड थियो । महासमिति बैठकपछि प्रमुख विपक्षी दलको हैसियतमा सरकारका गलत क्रियाकलापका विरुद्ध लड्ने सभापति देउवाले दाबी गरे । कार्यक्रममा काँग्रेस संसदीय दलकी सचेतक पुष्पा भुसालले कम्युनिष्ट पार्टीको समाजवाद र काङ्ग्रेसको समाजवादका बारेमा बहस गर्नुपर्ने समय आएको बताइन् ।बार एशोसियसनका अध्यक्ष शेरबहादुर केसीले पुस १७ गते वर्तमान प्रधानन्यायाधीशको पदावधि सकिने भएकाले मङ्सिर १७ अगावै संवैधानिक परिषद्ले सिफारिश गर्नुपर्ने बताए । खस्कँदो अवस्थामा रहेको स्वतन्त्र न्यायपालिकाको अस्तित्व रक्षाका लागि उहाँले सरकारको ध्यानाकर्षण गराए ।
Related News
सम्बन्धित समाचार
पोखराको सहिदचोकमा पेट्रोल पम्प निर्माणमा अन्तरिम आदेश
निषेधित क्षेत्र तोडेर रास्वपाको प्रदर्शन
लामिछाने पक्राउविरुद्ध प्रदर्शन, आइतबार अदालत उपस्थित गराइने
पूर्व क्षेत्रीय शिक्षा निर्देशक बास्तोलाको निधन
धौलागिरिमा ज्यान गुमाएका आरोहीको शव इटली आधार शिविर झारियो
hero news full width
मुख्य समाचार
नेसपाले नाम फेर्ने, महाधिवेशन माघमा
विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१