वेगनासतालमा महायज्ञ तयारी

आदर्श समाज सम्वाददाता
मंसिर ५, २०७५
IMG_2041_Fotor

पोखरा, ४ मङ्सिर । कास्कीको लेखनाथमा रहेको वेगनासतालमा विभिन्न समयमा ज्यान गुमाउनेहरुको मुक्ति तथा वेगनासताल संरक्षण एवम् सर्म्बर्द्धनका लागि  श्रीमद्भागवत विराट ज्ञानमहायज्ञ गरिने भएको छ ।

राष्ट्रिय परोपकार महासंघ नेपालको आयोजना र विभिन्न सामाजिक संघसंस्थाहरुको सहयोगमा मंसिर २२ देखि २९ गतेसम्म वेगनासताल किनारमा पितृउद्धार कार्यका लागि महायज्ञ गर्न लागिएको हो ।

महायज्ञस्थल र यस वरपर रहेका धार्मिक मठ मन्दिरहरुको मर्मत सुधार, नेपाल माताको प्रतिमा स्थापना गरी धार्मिक पर्यटनको विकास, सनातन धर्म संस्कृतिको जगेर्ना गर्ने र वेगनासतालमा विभिन्न कालखण्डमा डुंगा दुर्घटना परी दिवंगत भएका जनहरुको मुक्तिका लागि महायज्ञ गर्न लागिएको मंगलवार आयोजित पत्रकार सम्मेलनमा जानकारी गराइएको हो ।

कार्यक्रममा भागवत भाष्कर कमलनयन गौतमले  महायज्ञपश्चात वेगनासताल क्षेत्रको मुहार फेरिने गरि गुरुयोजनासहित अगाडि वढ्ने बताए । गौतमले महायज्ञलाई सफल पार्न सवैको साथ र सहयोग अपरिहार्य भएको धारणा राखे ।

विराट ज्ञानमहायज्ञ मूल समारोह समितिका अध्यक्ष डिल्लिरमण तिवारीको अध्यक्षतामा भएको कार्यक्रममा स्वतन्त्र पत्रकार संघका केन्द्रीय अध्यक्ष कृष्णप्रसाद वास्तोलाले वेगनासताल क्षेत्रको विकास नै यस क्षेत्रको विकास भएकाले रचनात्मक काममा संचार क्षेत्रको सहयोग रहिरहनेमा जोड दिए ।  महायज्ञमा ५ करोड संकलन हुने अपेक्षा गरिएको छ । यसैगरी २० लाख खर्च अनुमान रहेको उक्त महायज्ञमा प्रमुख वाचक भागवत भाष्कर कमलनयन गौतम रहेका छन् ।

कार्यक्रममा महायज्ञका महासचिव ध्रुवनाथ अधिकारीले प्रेस विज्ञप्ती वाचन गरेका थिए । यसैगरी महायज्ञको युवा परिचालन उपसमितिका संयोजक एवम् वेगनास युवा क्लबका अध्यक्ष रामबहादुर रानाभाट, राष्ट्रिय परोपकार महासंघ पोखरा-३१ का अध्यक्ष तथा पण्डित परिचालन उपसमितिका संयोजक भोलामणि गौतम, मातृशक्ति परिचालन उपसमितिका संयोजक शान्ति खनाल, प्रचार प्रसार उपसमितिका संयोजक मोति गिरी, कोषाध्यक्ष गंगाराम सुवेदीले पारदर्शी रुपमा काम गर्ने प्रतिवद्धता व्यक्त गरे ।

संचार संयोजक भरतप्रसाद तिवारीको स्वागत मन्तव्य रहेको उक्त कार्यक्रमको सञ्चालन सचिव कृष्णप्रसाद ढुंगानाले गरेका थिए ।

पत्रकार सम्मेलनमा पण्डित परिचालन उपसमितिका संयोजक भोलामणि गौतमले रु ५१ हजार एक सय ५१ दान घोषणा तथा युवा परिचालन उपसमितिका संयोजक  एव वेगनास युवा क्लवका अध्यक्ष रामवहादुर रानाभाटले रु २५ हजार  एक सय रूपैयाँ दान रकम हस्तान्तरण गरेका थिए ।

Related News

सम्बन्धित समाचार

  • लायन्स पोखरा नर्थको छैटौं चार्टरनाइट

    आदर्श समाज सम्वाददाता श्रावण ४, २०८१
    हेमजा । लायन्स क्लब पोखरा नर्थको छैंटौं चार्टर नाइट कार्यक्रम भएको छ । पोखरा २५ का अध्यक्ष मोतीराज तिमिल्सिनाले कार्यक्रम…
  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…

hero news full width