पोखरामा हट एयर बेलुन उड्यो

आदर्श समाज सम्वाददाता
मंसिर २, २०७५

पोखरा, १ मंसिर। बेलुन नेपाल प्रा.लिले पोखरामा शनिवारदेखि हट एयर बेलुनको व्यवसायिक उडान शुरु गरेको छ । यसको सुरुवातसँगै बेलुनमा उडान गरी पोखराको दृश्यावलोकन गर्न सकिने भएको छ । उडान सनराइज दृश्यावलोकनका लागि लक्षित गरिएको छ ।

उडानका लागि नेपालीलाई प्रतिव्यक्ति ११ हजार रुपैया र विदेशीका लागि १ सय ६० रुपैया अमेरिकी डलर शुल्क तोकिएको छ । दुर्इ वटा बेलुनबाट उडान शुरु गरिएकोमा ठूलो बेलुनमा आठ जना र सानो बेलुनमा छ जनाले उडान गर्न सक्नेछन् ।

पोखरालाई पर्यटनसँगै खेल पर्यटनको पनि केन्द्र बनाउन पोखरामा हट एयर बेलुनको व्यवसायिक उडान शुरु गरिएको प्रालिका प्रवन्ध निर्देशक प्रविण महर्जनले जानकारी दिए ।

पोखरापछि चितवन र लुम्बिनीमा यसको संभाव्यता अध्ययन गरिने उनको भनाई छ । डेढ करोड लगानीमा उडान कार्य शुरु गरिएको हो । कास्कीको धम्पुस र लौरुकबाट उडान गरी हेमजा र मर्दी खोलाको तिरमा अवतरण गरिने छ ।

गण्डकी प्रदेशका मुख्य मन्त्री पृथ्वीसुब्बा गुरुङले पहिलो उडान गरी हट एयर बेलुनको व्यवसायीक उडान शुभारम्भ गरेका छन् । कार्यक्रममा उनले यस्ता गतिविधिले अबको पाँच वर्षभित्र गण्डकी प्रदेशमा २० लाख पर्यटक भित्राउने लक्ष्यलाई टेवा पुर्‍याउने विश्वास व्यक्त गरे । उनले अन्तराष्ट्रिय ब्राण्ड बनेको पोखरामा हट बेलुनको समेत अधिकतम उपयोग गरी पर्यटन प्रवर्द्वन गर्नु पर्नेमा जोड दिए ।

कार्यक्रममा नेपाल पत्रकार महासंघ कास्कीका अध्यक्ष दिपेन्द्र श्रेष्ठ, टानका अध्यक्ष हरि भुजेल, रेवानका अध्यक्ष भिमसेन भुजेल, एभिया क्लबकी नतारा श्रेष्ठ, समाजसेवी मिना भट्टराई, नाटाका अध्यक्ष सन्तोष पोखरेल, पोखरा पर्यटन परिषद्का अध्यक्ष चिरञ्जिवि पोखरेलले बोलेका थिए । कार्यक्रम बेलुन नेपाल प्रा.लिका प्रवन्ध निर्देशक प्रविण महर्जनको अध्यक्षतामा भएको थियो ।

Related News

सम्बन्धित समाचार

  • क्षमता अभिवृद्धि तालिम सुरु

    आदर्श समाज सम्वाददाता मंसिर १६, २०७९
    पोखरा । इन्सेक गण्डकी प्रदेश कार्यालयद्वारा माछापुच्छ्रे गाउँपालिकामा मानवअधिकार समूहका सदस्य र सरोकारवालाका लागि क्षमता अभिवृद्धि तालिम सुरु भएको छ…
  • सडक महोत्सव समिति गठन

    आदर्श समाज सम्वाददाता मंसिर १६, २०७९
    पोखरा । रेस्टुरेन्ट एन्ड बार एसोसिएसन (रेवान) पोखराले अंग्रेजी नयाँ वर्षमा गर्दै आएको सडक महोत्सव सफल पार्न विशेष साधारण सभा…
  • हस्तकला तथा सीप तालिम प्रदर्शनी उद्घाटन

    आदर्श समाज सम्वाददाता मंसिर १६, २०७९
    पोखरा । प्रत्यक्ष अवलोकनमा आधारित महिला हस्तकला तथा सीप तालिम प्रदर्शनी शुक्रबारदेखि सुरु भएको छ । बिहीबार महिला सीप विकास…
  • वेगनासताल बसपार्क सरसफाइ अभियान

    आदर्श समाज सम्वाददाता मंसिर १६, २०७९
    लेखनाथ । वेगनास ताल नजिकै रहेको वेगनासताल बसपार्क सरसफाइका लागि वडा ३१ को कार्यालयले बिहीबारबाट सरसफाइ अभियान थालेको छ ।…
  • आजदेखि औद्योगिक व्यापार मेला

    आदर्श समाज सम्वाददाता मंसिर १६, २०७९
    पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु हुँदैछ । पोखरा उद्योग वाणिज्य संघले मंसिर १६ देखि २५ सम्म…

hero news full width