पर्यटकीय गन्तव्य दुर्र्लुङ

आदर्श समाज सम्वाददाता
मंसिर २, २०७५

पर्वत, १ मङ्सिर। नेपाल प्राकृतिक, पुरातात्विक, ऐतिहासिक, साँस्कृतिक तथा धार्मिक दृष्टिले विश्वकै एक पर्यटकीय गन्तव्यको रुपमा रहेको छ । भौगोलिक क्षेत्रफलका हिसावले काठमाण्डौँ, ललितपुर र भक्तपुर पछिको चौथो सानो जिल्लाको रुपमा सिमित पर्वतको कुल क्षेत्रफल ४९४ बर्ग कि मि रहेको छ ।

पर्वत सानो जिल्ला भएपनि लेक र बेसीमा हावापानीको भिन्नता रहेको छ । मानवीय विकासक्रमको दृष्टिले १५ औ स्थानमा पर्ने यस जिल्लामा ब्राहृमण, क्षेत्रीलगायत विभिन्न जातजातीहरुको बसोबास रहेको छ ।

ठूला विद्युत योजनामा रहेको १४ मेघावाट क्षमता भएको मोदिखोला जलविद्युत पनि पर्वत जिल्लामा नै अवस्थित छ । साथमा पर्वत जिल्लाको मुख्य बजारको रुपमा रहेको कुश्मा बजार नजिकै रहेको प्रसिद्ध धार्मिकस्थल गुप्तेश्वर गुफा, मोदीवेनी, देशी तथा विदेशी पर्यटकका आकर्षणका केन्द्र हुन् । शिवरात्री, ठूली एकादशी र बालाचर्तुदशी जस्ता पर्वमा यहाँ भक्तजनको भिड लाग्छ । ३ वटा एसियाकै अग्ला र लामा झोलुङ्गे पुलहरुले पछिल्ला समयमा पर्वत जिल्लाको आकर्षण थप्दै आन्तरिक तथा वाहृय पर्यटकहरुको लागि आकर्षणको केन्द्रविन्दु बन्दै आएको छ ।

यसैगरी पर्वत जिल्लाको दुर्र्लुङ पनि पर्यटकीय हिसावले एक महत्वपूर्ण स्थानको रुपमा रहेको छ । धार्मिकस्थलका रुपमा रहेको दुर्र्लुङकोट र कोटसँगै निर्माणाधीन भ्यू-टावर जसबाट दुर्र्लुङको चारैवटै दिशातर्फ पर्ने नेपालका विभिन्न ७ जिल्ला साथै विश्वका अग्ला मध्येका विभिन्न हिमशृंङ्खला पनि  देख्न सकिन्छ ।

नेपाल सरकार संस्कृति, पर्यटन तथा नागरिक उड्डयन मन्त्रालयले सार्वजनिक गरेको सयवटा नयाँ पर्यटकीय गन्तव्यको सूचीमा नयाँ गन्तव्य पहिचान तथा विकास कार्यक्रममा कुश्मा नगरपालिका वडा नं. ३ दुर्र्लुङमा रहेको क्यानोनिङ्ग, केभिङ्ग र होमस्टे पनि पर्न सफल भएको छ ।

पर्यटकीय हिसाबले विभिन्न सम्भावना भएर पनि ओझेलमा परेका यस्ता पर्वत जिल्लाको कालीगण्डकी नदी, मध्य भागमा रहेको मोदीखोला भएता पनि सिचाँइको रुपमा उपयोग गर्ने सकिएको छैन ।

पन्चासे, दुर्र्लुङलगायत पर्यटकीय हिसावले महत्वपूर्ण रहेका स्थानहरुमा कच्ची सडक निर्माण भएपनि अझैसम्म पनि पक्की सडक निर्माण हुन सकेको अवस्था छैन । साथै हम्पालको लेक र डहरेको लेक यस क्षेत्रका संभावना बोकेका पर्यटकीय स्थल हुन भने दक्षिण भेगमा अवस्थित शाल्रि्राम शिला, फलामखानी, त्रिवेणी उत्तिकै प्रसिद्ध छन् ।

यस्ता पर्यटकीय संभावना बोकेका स्थानहरुलाई अब विशेष रुपमा विकास, प्रचार, प्रसार र संरक्षण गर्नुपर्ने देखिन्छ । साथै, पर्यटन उद्योगलाई राष्ट्रिय अर्थतन्त्रको एक मुख्य आधारको रुपमा विकास गर्नका लागि पर्यटन क्षेत्रको विकास तथा सो बाट प्राप्त लाभ जनस्तरमा पुर्‍याउन पर्यटकीय गन्तव्यहरुको विविधिकरण गर्दै नयाँ पर्यटकीय स्थल र उपजहरुको पहिचान, विकास तथा नयाँ पर्यटकीय पूर्वाधारहरुको विकास गर्ने जरुरी छ ।

Related News

सम्बन्धित समाचार

  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…
  • महिला सहभागितामा समानुपातिककै भर

    धनबहादुर गुरुङ मंसिर ११, २०७९
    पोखरा । गण्डकी प्रदेशसभामा ६० सिट कायम छ । संविधानले व्यवस्था बमोजिम प्रदेश संसदमा ३३ प्रतिशत महिला सहभागिता पुर्‍याउन कम्तीमा…
  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…

hero news full width