आदर्श महोत्सव तयारी

आदर्श समाज सम्वाददाता
कार्तिक २९, २०७५

लेखनाथ, २८ कात्तिक। आदर्श युवा क्लबले कात्तिक ३० देखि मंसिर ९ गतेसम्म आयाजना गर्न लागेको प्रथम आदर्श महोत्सवको तयारी अन्तिम चरणमा पुगेको छ।

पोखरा २९, भण्डारढीक खेल मैदानमा हुने महोत्सवको ८० प्रतिशत तयारी पूरा भएको र अन्तिम तयारीमा जुटेको महोत्सव मूल संयोजक किसान गुरुङले जानकारी दिएका छन्।

कला, संस्कृति, संगीत र मनोरञ्जनको उत्सवको रुपमा लिएको महोत्समा निर्माण गरिएका २ सय ६८ वटा स्टलमध्ये करिव २ सय ५० स्टल बुकिङ भइसकेको क्लब अध्यक्ष तथा महोत्सवका निदेशक लक्ष्मीप्रसाद भण्डारीको भनाइ छ। क्लबद्वारा संचालन गरिने राष्ट्रियस्तरको फुटबल प्रतियोगितालाई निरन्तररुपमा संचालन गर्न तथा निर्माणाधीन रंगशाला संरक्षण एवं स्तरोन्नति गर्ने उद्देश्यले आर्थिक संकलन जुटाउन महोत्सव आयोजना गर्न लागिएको जनाइएको  छ ।

यस्तै, महोत्सव व्यवस्थित रुपमा संचालन गर्न गठित एक सय सदस्यीय मूलआयोजक समिति, २५ सदस्यीय सल्लाहकार समिति र विभिन्न ३० वटा उपसमितिले तोकिएको जिम्मेवारी पूरा गरेको क्लब सचिव पदम गुरुङले जानकारी दिएका छन्। महोत्सवमा रत्यौली गीत प्रतियोगिता, विद्यालयस्तरीय नृत्य प्रतियोगिता, राष्ट्रियस्तरका कलाकारको लोकदोहोरी र साथमा आधुनिक पप कर्न्सट राखिएको छ । कृषकद्वारा उत्पादित वस्तुको बजारीकरणमा सहयोग पुग्ने गरी कृषिका स्टलहरुलाई निःशुल्क रुपमा राख्न पाउने व्यवस्था मिलाइएको छ।

महोत्सवको विशेष आकर्षणको रुपमा अष्ट्रिच अवलोकन, ऊँट सवार, धरहरा चढी महोत्सव अवलोकन, बालउद्यान रहेका छन्।

महोत्सव उद्घाटन राष्ट्रिय सभाका अध्यक्ष गणेश तिमिल्सेनाले गर्ने कार्यक्रम छ । पहिलो पटक हुन लागेको महोत्सवमा करिव ३ लाख दर्शकले अवलोकन गर्ने आयोजको अपेक्ष रहेको छ।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width