मधुमेह दिवसमा महानगरद्वारा सचेतना र स्वास्थ्य जाँच

आदर्श समाज सम्वाददाता
कार्तिक २९, २०७५
madhumha

पोखरा, २८ कात्तिक। विश्व मधुमेह दिवस अवसरमा पोखरा महानगरपालिका स्वास्थ्य महाशाखाले बुधबार मधुमेहसम्बन्धी सचेतना दिनुको साथै स्वास्थ्य जाँच कार्यक्रम गरेको छ । कार्यक्रममा महानगरका कर्मचारीसहित सर्वसाधारणको सुगर, प्रेसर जाँच तथा तौल र उचाई मापन एवं मधुमेहबारे परामर्श दिइएको हो ।

कार्यक्रममा ४ सय ५० जनाको सुगर, प्रेसर जाँच तथा तौल र उचाई मापन गरिएको स्वास्थ्य महाशाखाका नर्सिङ प्रमुख कविता पौडेलले जानकारी दिइन्।

कार्यक्रममा पोखरा महागनरका प्रमुख मानबहादुर जिसी, उपप्रमुख मञ्जुदेवी गुरुङ,प्रमुख प्रशासकीय अधिकृत शेषनारायण पौडेल, सहायक प्रमुख प्रशासकीय अधिकृत यामलाल अधिकारी, महानगरका उपसचिव एवं सूचना अधिकारी गंगालाल सुवेदी लगायतले सुगर प्रेस जाँच गराएका थिए।

जाँच गरिएका अधिकांशमा मधुमेह रोग देखिएको र त्यसबारे परामर्श प्रदान गरिएको थियो। मधुमेह लाग्नुका कारण र यसबाट बच्ने उपायबारे डा ओमप्रकाश कलौनीयाले परामर्श दिएका थिए। ‘नेपालीमा मधुमेहजस्ता नसर्ने रोगको प्रकोप बढ्दो छ, त्यसलाई रोक्न बेलैमा रोकथाम गर्नुपर्छ, डा कलौनीयाले भने, ‘मधुमेह लागेमा मृगौला, आँखा लगायत जीवनको गुणस्तरीयतामा असर गर्छ । त्यसैले समयमै यसको रोकथाम गर्नुपर्छ ।’

पोखरा महानगरपालिकाका प्रमुख प्रशासकीय अधिकृत शेषनारायण पौडेलले नेपालीहरुको खानपीनका कारण मधुमेह जस्ता रोगहरुको सिकार हुनुपरेको बताउँदै खानपीनमा ख्याल गर्नुपर्नेमा जोड दिए। उनले मानिसको स्वास्थ्यभन्दा ठूलो अरु नहुने बताउँदै जनचेतनाको खाँचो रहेको समेत बताए।

Related News

सम्बन्धित समाचार

  • प्राइम सहकारी ठगी प्रकरण : मुख्य योजनाकारसहित ७ जना कारागार चलान

    विजय नेपाल असार ७, २०८१
    पोखरा । पोखराको प्राइम बहुउद्देश्यीय सहकारी संस्थाको डेढ अर्बभन्दा बढी रकम अपचलन भएको ठगी मुद्दामा मुख्य योजनाकार प्रमुख कार्यकारी अधिकृत सुरेन्द्रमणि…
  • कञ्चन क्यापिटलको पाँचौं वार्षिकोत्सव

    आदर्श समाज सम्वाददाता असार ७, २०८१
    पोखरा । कञ्चन क्यापिटल प्रालिले रक्तदान, सम्मान, पुरस्कार वितरणलगायत कार्यक्रम गरी पाँचौं वार्षिकोत्सव मनाएको छ । मंगलबार आयोजित रक्तदानमा ५६…
  • पोखरा आदर्शमा एकल नृत्यको अडिसन राउन्ड पूरा

    आदर्श समाज सम्वाददाता असार ७, २०८१
    पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी…
  • ‘शास्त्रीय मर्यादा कायम राखौं’

    आदर्श समाज सम्वाददाता असार ७, २०८१
    पोखरा । शास्त्रीय मर्यादा कायम राख्नुपर्नेमा जोड दिइएको छ । नेपाल ज्योतिष परिषद् कास्कीले बुधबार पोखरामा आयोजना गरेको पूर्वीय वाङ्मय…
  • पोखरा सुधारको माग

    आदर्श समाज सम्वाददाता असार ७, २०८१
    पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले…

hero news full width