तिहारमा झिनियाँ रोटी लोकप्रिय

आदर्श समाज सम्वाददाता
कार्तिक २१, २०७५
jhiniya roti

पाल्पा, २० कात्तिक । तिहार पर्वको परिकार बनेको झिनियाँ रोटी पाल्पालीसँगै बाहिरी जिल्ला निकासी हुन थालेपछि व्यापारीहरु उत्साही बनेका छन्।

तानसेनका चोक-चोकमा झिनियाँ रोटी खरिद र बिक्री गर्नेहरुको भिडभाडले तिहारमा झिनीया नभइ हुने परिकार बनेको देखिन्छ। नेपालभरबाट माग आउन थालेपछि झिनियाँ रोटी बनाएर तानसेनका सयाँ महिलाहरुले गुजारा चलाएका छन्।

विगतमा नेवारी समुदायमा बढी चलन चल्तीमा रहे पनि आजकल अन्य समुदायको पनि झिनियाँ रोटी अनिवार्य परिकार बनेको छ। तिहारमा रगिबिरंगी झिनियाँ रोटी नभए परिकार अपुरो भएको ठानिन्छ। पकाउन सजिलो खान मिठो भएकोले पनि झिनियाँ रोटीको लोकप्रियता बढ्दै गएको छ।

पाल्पाका करीब एक सय घर परिवारले झिनियाँ रोटीबाट २० हजार देखि ३ लाख रुपैयाँ आम्दानी गर्ने गरेका छन्। बजारमा ४० रुपैयाँ दर्जन देखी ५ सय रुपैयाँ दर्जन सम्मका झिनियाँ रोटी बिक्री हुने गरेको छ। १२ महिना झिनियाँ रोटीको व्यापार भए पनि तिहार मुख्य सिजन भएकोले तिन चार लाख रुपैयाँको व्यापार हुदै आएको व्यापारी उषा बज्राचार्य बताइन्।

झिनियाँ रोटी चामलको मिसिनो पिठोबाट थरीका रंगहरु मिसाएर मेसिनबाट बनाइन्छ। तानसेनको झिनियाँ रोटी बुटवल, नारायणगढ, पोखरा, काठमाडौ, लगायत स्थानमा थोक व्यापारीहरुले खरिद गरेर लैजाने गरेको झिनियाँ ब्यापारीको भनाइ छ। नेवारी समुदायले भने पूजाआजा विवाह, व्रतबन्ध, भोजभतेरमा पनि झिनियाँ रोटीलाई प्रसादको रुपमा प्रयोग गर्ने गर्दछन्।

Related News

सम्बन्धित समाचार

  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…
  • महिला सहभागितामा समानुपातिककै भर

    धनबहादुर गुरुङ मंसिर ११, २०७९
    पोखरा । गण्डकी प्रदेशसभामा ६० सिट कायम छ । संविधानले व्यवस्था बमोजिम प्रदेश संसदमा ३३ प्रतिशत महिला सहभागिता पुर्‍याउन कम्तीमा…
  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…

hero news full width