अपराधीहरू फुत्किने छैनन् : डिएसपी खाँण

आदर्श समाज सम्वाददाता
कार्तिक १६, २०७५

लेखनाथ, १५ कात्तिक। डाँडाकोनाक प्रहरी चौकीमा सरुवा भइ भई आएका प्रहरी नायव उपनिरीक्षक (डिएसपी) मोहनबहादुर खाँणले शान्तिसुरक्षामा खलल पुर्‍याउने आपराधिक मनोवल भएको जो कोही व्यक्ति आफ्नो नजरबाट फुत्कन नपाउने चेतावनी दिएका हुन् ।

लेखनाथ सामुदायिक सेवा केन्द्र तथा सामुदायिक प्रहरी सेवा केन्द्रले उनको स्वागत सम्मानमा विहीवार आयोजना गरेको कार्यक्रममा डिएसपी खाँणले अपराधी कोही कसैको नातागोता वा नेताको आदेशमा नभइ कानूनको दायरामा राखेर कारबाही गरेरै छाड्ने प्रतिबद्धता जनाए।

पोखरामा यसअघि काम गरिसकेकाले पुनः यहाँ आउँदा आफूलाई थप जिम्मेवारी बनाएकोले यसलाई आफूले अवसर र चुनौतीको रुपमा लिएको उल्लेख गर्दै उनले स्थानीयवासीको सहकार्य र समन्वयमा शान्तिसुरक्षामा कुनै पनि कमी आउन नदिने बताए ।

जिल्ला प्रहरी कार्यालय कास्कीका प्रमुख प्रहरी उपरीक्षक (एसपी) ओमबहादुर रानाले समाजमा अशान्ति फैलाउने, जुवातास खेल्नेदेखि लागुऔषधका घटना आफू आएपछि केही नियन्त्रण भएको दाबी गर्दै आगामी दिनमा अझ प्रभावकारी ढंगले जाने बताए ।

लेखनाथ सामुदायिक केन्द्रका अध्यक्ष रमेश ओझाको अध्यक्षतामा भएको सो कार्यक्रममा सामुदायिक सेवा केन्द्र जिल्ला समन्वय समिति कास्की अध्यक्ष सोमनाथ बास्तोला, वडा २९ का वडाध्यक्ष चेतबहादुर गुरुङ, वडा ३० का वडाध्यक्ष श्रीराम पोखरेल, वडा ३२ का वडाध्यक्ष अक्लबहादुर कार्की लगायतले जनता र प्रहरी सहयोगमा आपराधिक क्रियाकलाप न्यूनिकरण गर्नुपर्नेमा जोड दिए ।

संस्थाका सचिव त्रिलोचन लामिछानेले संचालन गरेको कार्यक्रममा स्वागत मन्तव्य निवर्तमान अध्यक्ष ज्ञानेन्द्र बजगाईँले गरेका थिए।

डिएसपी खाँण हालैमात्र नवलपरासी जिल्लाबाट सरुवा भइ आएका हुन् ।

Related News

सम्बन्धित समाचार

  • टुँडिखेलमा ऐतिहासिक दसैं मेला

    आदर्श समाज सम्वाददाता असाेज १०, २०७९
    पोखरा । राष्ट्रिय मावि, पोखराको व्यवस्थापनमा पुरानो टुँडिखेलमा ऐतिहासिक दसैं मेला हुने भएको छ । स्थानीयको आवश्यकता र आर्थिक बिनिमय…
  • जनप्रियमा शुभकामना आदानप्रदान

    आदर्श समाज सम्वाददाता असाेज १०, २०७९
    पोखरा । दसैंतिहार लगायत पर्व अवसरमा जनप्रिय बहुमुखी क्याम्पस, पोखराले शुभकामना आदनप्रदान तथा चियापान कार्यक्रम गरेको छ । शुभकामना मन्तव्य…
  • लेकसाइडमा मिनी सडक महोत्सव

    आदर्श समाज सम्वाददाता असाेज १०, २०७९
    पोखरा । रेष्टुरेन्ट एन्ड बार एसोसिएसन नेपाल (रेवान), पोखराको आयोजनामा असोज ११ मा लेकसाइडमा मिनी सडक महोत्सव–२०७९ आयोजना गरिने भएको…
  • प्रमुखज्यूसँग भेटघाट : समस्या सुनाउँदै, आशावादी बन्दै

    धनबहादुर गुरुङ असाेज १०, २०७९
    पोखरा । पोखरा १५ की देवकी विक प्रसन्न मुद्रामा न्युरोडस्थित पोखरा महानगरपालिका कार्यालयको प्रांगणमा भेटिइन् । मेयर धनराज आचार्यलाई आफ्नो…
  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…

hero news full width