पोखराका मेयर र  र यिपिन सहरका उपमेयरबीच भेटवार्ता

आदर्श समाज सम्वाददाता
कार्तिक १५, २०७५
yiping 2_Fotor

पोखरा, १४ कात्तिक। चीनको यिपिन सहरका उपमेयर चाङग फिङ्ग र पोखराका मेयर मानबहादुर जिसीबीच बुधबार भेटवार्ता भएको छ।

भेटमा उपमेयर फिङ्गले पोखरा अन्तर्राष्ट्रिय विमानस्थलबारे चासो देखाएका छन्। उनले विमानस्थल पूरा भइसकेपछि यिपिनबाट पहिलो उडान भर्न चाहेको उल्लेख गरे।

गत असोजमा यिपिन र पोखराबीच भगिनी सम्बन्ध स्थापित भएपछि यिपिनका उपमेयरसहित सात सदस्यीय टोली बुधबार यहाँ आएको हो।

उनले पोखरा महानगरका प्रमुख जिसीलाई महानगरलाई विकास गन पहिले कृषिभन्दा पर्यटनलाई जोड दिन सुझाए । उनले भने, ‘पोखरा साच्चिकै सुन्दर छ। यहाँ आइपुग्दा हामीलाई घरमै आइपुगेको जस्तो आभास भयो। त्यसैले यहाँ कृषिको भन्दा पहिले पर्यटन विकासमा लाग्नुस्।’ उनले पोखरामा खिचेको फोटो यिपिनमा पठाउँदा सबै ढंग परेको सुनाए।

सहरका कृषि विकास ब्यूरो प्रमुख मिच्याङले पोखरा र यिपिनको भौगोलिक बनावट मिल्ने भएकाले कृषि विकासमा सहयोग गर्न आफूहरु तत्पर रहेको बताए। ‘यहाँ आउनुको मुख्य कारण नै हाम्रो चियाको प्रचारप्रसार गर्नु हो,’ उनले भने, ‘यसले दुर्इ देशबीचको अध्ययन र अनुभव आदानप्रदान गर्न सहयोग पुगेको छ।’

पोखराका मेयर  जिसीले विमानस्थल निर्माण भइसकेपछि यिपिन ४ घण्टामै पुगिने भएकाले धेरै कुरामा सहयोग पुग्ने बताए। ‘यिपिन सहरबाट वाषिर्क ५ प्रतिशतमात्रै पर्यटक पोखरा आउन सके भने हाम्रो पर्यटन विकासमा उल्लेख्य परिवर्तन आउने छ,’ उनले भने।

महानगर कार्यालयका प्रमुख प्रशासकीय अधिकृत शेषनारायण पौडेलले पोखरा उत्कृष्ट पर्यटकीय गन्तव्य भएकाले पर्यटन क्षेत्रलाई विशेष ध्यान दिएर विकास गरिरहेको सुनाए। भेटवार्तामा यिपिनका भ्रमण प्रतिनिधिले मेयर जिसीलाई यिपिन सहर भ्रमणको निम्ता दिए।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width