मसिना सहकारीको हाईड्रोपावरमा लगानी

आदर्श समाज सम्वाददाता
असाेज २८, २०७५

लेखनाथ, २७ असोज।  पोखरा ३२ स्थित मसिना पर्यटन सहकारी संस्थाले हाईड्रोपावरमा लगानी गर्ने भएको छ।

आयआर्जनका लागि उत्पादनशील क्षेत्रमा लगानी गर्न वषौर्देखि अधिकांश सहकारीमा सुझाव आइरहँदा सो सहकारीले सेयर सदस्यबाट रकम संकलन गरी खुँदी खोलाको मसिनाबाट आठ सय ९१ किलोवाट विद्युत् उत्पादन गर्ने भएको हो।

विद्युत् उत्पादनका लागि विद्युत् विकास विभागबाट स्वीकृती भई  डिपिआर समेत तयार भइसकेको संस्थाको शनिबार भएको छैटौं वाषिर्क साधारणसभामा जानकारी गराइएको हो।

यसअघि कार्यक्रम उद्घाटन गर्दै पोखरा महानगरपालिकाका प्रमुख मानबहादुर जिसीले सहकारीहरु सहकारीको मूल्यमान्यता अनुसार अगाडि बढ्न नसकिरहेको अवस्थमा मसिना पर्यटन सहकारीले अगाडि सारेको योजनाले आर्थिक तथा पर्यटन विकासमा थप सहयोग पुग्ने विश्वास ब्यक्त गरेका थिए।

सहकारीमा लगानी गरेर वर्षको एकपटक बोनस खानेमात्र होइन, अब सेयर सदस्य जिम्मेवारी भएर सहकारीले ल्याएका योजनामा उत्साहका साथ अगाडि बढ्न सुझाव दिए ।

कार्यक्रममा इ. वसन्तमोहन भट्टराईले योजनाको वस्तुस्थिति र प्राविधिक पक्षमा जानकारी गराउँदै हाईड्रोपावर निर्माणको प्रक्रिया अगाडि बढेको जानकारी दिए ।

संस्थाका अध्यक्ष प्रशान्तराज धमलाको अध्यक्षतामा भएको सो कार्यक्रममा लेखनाथ उद्योग बाणिज्य संघका वरिष्ठ उपाध्यक्ष बलराम ढकाल, संघका पूर्व अध्यक्ष सुमनमोहन भट्टराई, स्थानीय धु्रव गिरी र सेयर सदस्य शिवजी लामिछाने र जनप्रतिनिधि सुनमाया नेपाली लगायतले आ-आफ्नो धारणा राखेका थिए।

संस्थाका सचिव विष्णुप्रसाद तिवारीले संचालन गरेको कार्यक्रममा स्वागत मन्तव्य उपाध्यक्ष अकलबहादुर कार्कीले गरेका थिए।

Related News

सम्बन्धित समाचार

  • नेफ्स्कुन स्थापना दिवसमा अन्तक्रिया

    आदर्श समाज सम्वाददाता भाद्र १, २०७९
    साउन । नेपाल बचत तथा ऋण केन्द्रीय सहकारी संघ लि. (नेफ्स्कुन) को ३१ औं स्थापना दिवसको सन्दर्भमा पोखरा क्षेत्रका सहकारी…
  • लेखनाथमा सेयरसम्बन्धी तालिम

    आदर्श समाज सम्वाददाता श्रावण ३०, २०७९
    लेखनाथ । लेखनाथ जेसीजले युवालक्षित गरी सेयरसम्बन्धी तालिम प्रदान गरेको छ । तालिममा सेयरसम्बन्धी ख्यातिप्राप्त सुवासचन्द्र भट्टराईले प्रशिक्षण दिएका थिए…
  • अग्नि ग्रुपको टु एस सर्भिस सेन्टर

    आदर्श समाज सम्वाददाता श्रावण २५, २०७९
    पोखरा । नेपालका लागि महिन्द्रा फोरव्हीलरको एकमात्र आधिकारिक बिक्रेता अग्नि ग्रुपले सेवाग्राहीको सुविधाका निम्ति नयाँ टु एस सर्भिस सेन्टर पोखरा…
  • सहकारी बैंकको वार्षिक समीक्षा

    आदर्श समाज सम्वाददाता श्रावण २४, २०७९
    पोखरा । राष्ट्रिय सहकारी बैंक लिमिटेडको पोखरामा आयोजित ३ दिने वार्षिक समीक्षा गोष्ठी सोमबार सकिएको छ । आर्थिक वर्ष २०७८÷०७९…
  • पोउवा संघको अध्यक्षमा पोखरेलको घोषणा

    आदर्श समाज सम्वाददाता श्रावण २३, २०७९
    पोखरा । पोखरा उद्योग वाणिज्य संघका वर्तमान उपाध्यक्ष अर्जुन पोखरेलले आगामी महाधिवेशनमा संघको अध्यक्षमा उम्मेदवारी दिने घोषणा गरेका छन् ।…

hero news full width