पोखरा, २७ असोज । हेरालो प्रतिष्ठान कास्कीको १७ औं साधारणसभा शनिवार पोखरामा भएको छ । विभिन्न सामाजिक अभियानमा सक्रिय प्रतिष्ठानले विद्यार्थीलाई छात्रवृत्ति वितरण सहित साधारणसभा गरेको हो । साधारणसभालाई सम्बोधन गर्दै स्वतन्त्र पत्रकार संघका केन्द्रिय अध्यक्ष कृष्णप्रसाद बास्तोलाले समाजसेवामा संस्थाको लगाव प्रशसंनीय भएको बताए ।
‘पछिल्लो समय खुलेका सामाजिक संघसंस्थाहरु कामभन्दा बढी प्रचारमा ब्यस्त छन् । फिल्डमा पुगेर आफ्नो लक्ष्य अनुसार काम गर्ने संस्था निकै कम छन्,’ प्रमुख अतिथि बास्तोलाले भने, ‘तर हेरालो फिल्डमै पुग्छ । पीडितहरुलाई सहयोग गर्छ । यो प्रशंसनीय काम हो ।’
साधारणसभा अवसरमा विभिन्न विद्यालयमा अध्ययनरत विपन्न तथा जेहेन्दार विद्यार्थीलाई छात्रवृत्ति वितरण गरिएको छ ।
एल एञ्जल स्कूलका फलबहादुर तामाङ, अमर तामाङ, माछापुच्छ्रे माविका प्रितम घले, विना गुरुङ, कृष्णबहादुर विक, सिर्जना आवासीय स्कूल सराङ्कोटकी प्रिया विक, रोजिना विक र गोगन माविकी चाहाना पुनलाई छात्रवृत्ति दिइएको हो । विना र चाहानालाई जनही आठ हजार र बाँकी विद्यार्थीलाई जनही ५ हजार दरले छात्रवृत्ति प्रदान गरिएको संस्थाले जनाएको छ ।
कार्यक्रममा समाजसेवी तथा तमु धिं युकेका सल्लाहकार डा चन्द्रबहादुर गुरुङ, तमु सांस्कृतिक प्रतिष्ठानका कोषाध्यक्ष भीमकाजी गुरुङ, माउण्ट अभोरा मन्टेसरी संचालक कञ्चन गुरुङ लगायतले बोलेका थिए ।
संस्थाका अध्यक्ष झमबहादुर गुरुङको अध्यक्षतामा भएको कार्यक्रमको सञ्चालन सचिव यामबहादुर रानाभाट र उपाध्यक्ष चित्र गुरुङले स्वागत मन्तव्य व्यक्त गरेका थिए ।
कार्यक्रममा पूर्व अध्यक्ष नीरज थापाले संस्थाको प्रगतिबारे जानकारी गराएका थिए । सोही अवसरमा संस्थाका कोषाध्यक्ष इ. धनराज पुरीलाई उत्कृष्ट सदस्यको रुपमा सम्मान गरिएको थियो ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१