चीनको सहयोगमा शुक्रराजमा होस्टेल बन्ने

आदर्श समाज सम्वाददाता
असाेज २४, २०७५
sukra raj

पोखरा, २३ असोज। पोखरा २२, पुम्दीभुम्दीस्थित शुक्रराज माविमा चीन सरकारबाट प्राविधिक शिक्षा (पशु विज्ञान) विषयको लागि होस्टेल निर्माण हुने भएको छ।

विद्यालयमा ५ वर्षदेखि संचालन हुँदै आएको उक्त प्राविधिक शिक्षा होस्टेल अभावमा प्रभावकारी हुन नसकेको बेला सो सहयोगमा होस्टेल निर्माण हुने विद्यालय प्राचार्य नरनाथ बरालले जानकारी दिए ।

प्राविधिक शिक्षामा जोड दिँदै स्वरोजगार र दक्ष जनशक्ति उत्पादन गर्ने उद्देश्यले चीन पोखरा महानगरपालिका मार्फत उक्त संरचना बनाउने भएको प्राचार्य बरालले जनाए।

जसअन्तर्गत विद्यालयमा दुर्इ सय क्षमताको सभाहल सहित दुर्इतले पक्की भवन निर्माण हुनेछ। १५ महिनाभित्र करिब २ करोड ५० लाख लागतमा चीनले सभाहल सहितको छात्र तथा छात्राको ३/३ कोठा, डाइनिङ रुम निर्माण गर्ने प्रअ बरालले बताए।

टाढाबाट विद्यार्थी आउनु पर्दा उनीहरुको पढाइस्तर सुधार हुन नसकेको र केहीले बीचमै छाड्ने समस्या हल गर्दै दिगो रुपमा संचालन गर्न आफूहरुले होस्टेल सहित कक्षा संचालनका सहयोग प्राप्त गरेकोमा विद्यालय परिवारले खुसी व्यक्त गरेको छ ।

प्रअ बरालले भने, ‘पशु विज्ञान महत्व धेरै भए पनि कोर्ष निकै कठिन भएकोले कक्षा ११ र १२ मा धेरैले अध्ययनक्रममा छाड्ने गरेका छन्,  अब होस्टेल संचालनबाट पढाइमा मात्र बढी केन्द्रित गर्न सके धेरै सुधार हुने हामीले अपेक्षा गरेका छौं।’

यसैबीच, युवा तथा खेलकुद मन्त्री जगतबहादुर विश्वकर्माले होस्टेल शिलान्यास गर्दै विद्यालयको शैक्षिकसैँगै खेलकुद विकासमा मन्त्रालयले आवश्यक सहयोग गर्ने बताए।

विद्यालयमा निर्माण हुँदै गरेको फुटबल मैदानमा आवश्यक सहयोग गर्ने मन्त्री विश्वकर्माले वचन दिए ।

पोखरा उद्योग वाणिज्य संघका निवर्तमान अध्यक्ष विश्वशंकर पालिखेले चीनबाट प्राप्त भएको सहयोगलाई सही ढंगले सदुपयोग गर्न सके धेरै ठाउँबाट शिक्षा, स्वास्थ्य लगायत क्षेत्रमा सहयोग उपलब्ध हुने बताए। पोखरा महानगरपालिकामा प्राविधिक शिक्षाको माग तीव्र भए पनि विभिन्न कारणले गर्दा विद्यार्थीको क्रेज घट्दै गएको पोखरा महानगरपालिका वडा २२ का वडाध्यक्ष मित्रलाल बरालले बताए।

नेकपा नेता तेजनारायण अधिकारीले देशमा प्राविधिक शिक्षाको माग रहेको बताए।

विद्यालय व्यवस्थापन समिति अध्यक्ष समेत रहेका प्रदेश सांसद रामजी बरालको अध्यक्षतामा सो कार्यक्रम भएको हो ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width