रोटरीद्वारा भरतपोखरीमा दोस्रो खानेपानी आयोजना

आदर्श समाज सम्वाददाता
असाेज २४, २०७५
rotary_Fotor

पोखरा, २३ असोज । रोटरी क्लब अफ इन्टरनेशनलले पोखरा वडा ३३, भरपोखरीको कुसुन्डेमा ५३ लाख रुपैयाँ लागतमा खानेपानी आयोजना निर्माण गरेको छ। निर्माण भएपछि भरपोखरीका २ सय ३२ घरधुरी लाभान्वित भएको रोटरी क्लबका डिष्ट्रिक्ट गर्भनर इलेक्ट किरणलाल श्रेष्ठले बताए ।

सो आयोजना उद्घाटन गर्दै पर्यटन तथा नागरिक उड्डयन मन्त्री रवीन्द्र अधिकारीले रोटरीले ग्रामीण क्षेत्रमा आएर खानेपानीजस्तो आधारभूत आवश्यकताका लागि सहयोग गरेकोमा धन्यवाद दिए ।मन्त्री अधिकारीले रोटरी क्लबसँग सहकार्य गर्न आफू इच्छुक रहेको बताउँदै आधारभूत व्यसायिक तालिम, अन्य विकास निर्माणका लागि रोटरीसँग सहकार्य गर्न र संसदीय कोषबाट ५० लाख रुपैयाँ प्रदान गर्ने बताए।

उक्त परियोेजना रोटरी इन्टरनेशनलअन्तर्गत रोटरी क्लब अफ लेखनाथ र रोटरी क्लब अफ न्यू ट्याम्पानुन ६८९० यूएसएको संयुक्त लगानी र स्थानीय जनसहभागितामा सम्पन्न भएको हो।  डिष्ट्रिक्ट गर्भनर इलेक्ट श्रेष्ठले सो क्षेत्रमा आधारभूत व्यावसायिक तालीम केन्द्र स्थापना गर्न आवश्यक पहल गर्ने र रोटरी इन्टरनेशनलतर्फबाट १ करोड रुपैयाँ सहयोग गर्ने प्रतिबद्धता जनाए।

रोटरी क्लब अफ न्यू ट्याम्पानुनका लिसाहाइकिले ग्रामिण क्षेत्रमा सहयोग गर्न पाएकोमा खुशी व्यक्त गर्दै भविश्यमा पनि यस क्षेत्रमा आधारभूत आवश्यकता पूरा गर्न सहयोग पुžयाउने प्रतिवद्धता व्यक्त गरिन्। आरआई प्रोग्राम चियर केशवप्रसाद आचार्यले स्वास्थ्य शिक्षाको विकासमा रोटरीले आवश्यक पहल गर्ने धारणा व्यक्त गरे।

खानेपानी आयोजनाको संयोजक विश्व कर्माचार्यले आयोजनाबारे विस्तृत जानकारी गराए। आयोजनाको लागत खर्च विवरणको जानकारी समाजसेवी यज्ञप्रसाद आचार्यले दिएका थिए। रोटरी क्लब अफ लेखनाथका अध्यक्ष विश्वमणि भण्डारीले स्वागत मन्तव्य व्यक्त गरेका थिए।

क्लबले यसअघि सो क्षेत्रमा रोटरी क्लब अफ भर्जिनिया यूएसएको सहयोगमा खानेपानी आयोजना सञ्चालन गरेको थियो ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width