माछापुच्छे्र महोत्सवको तयारी

आदर्श समाज सम्वाददाता
असाेज २३, २०७५

हेमजा, २२ असोज। माछापुच्छे्र गुरासेँ भूमे युवा क्लब माछापुच्छे्र-१, टुसेको रजतजयन्ती अवसरमा असोज २४ देखि २८ गतेसम्म हुने माछापुच्छ्रे महोत्सव तयारी अन्तिम चरणमा पुगेको छ।

‘मौलिक कला संस्कृति खेलकुद तथा कृषि पर्यटनको लागि’ उद्घोषका साथ फर्कौ हैं माछापुच्छ्रे महोत्सव गर्न लागिएको हो। महोत्सव उद्घाटन युवा तथा खेलकुद मन्त्री जगतबहादुर विश्वकर्माले गर्ने कार्यक्रम छ।

महोत्सव आकर्षणमा लोकदोहोरी कलाकारको प्रस्तुति, गाउँस्तरीय पुरुष, क्लबस्तरीय महिला भलिबल प्रतियोगिता, थ्रि-ए साइड फुटबल, खुला नृत्य, छेलो लगायत प्रतियोगिता, घरेलु हस्तकला तथा कृषि सामग्रीको प्रदर्शनी, सांस्कृतिक, सांगीतिक एवं हास्यव्यङ्ग्य कार्यक्रम, मौलिक झाँकी एवम लापोन्मुख लाखे नाच, होमस्टे प्रवर्द्धन तथा तातोपानी कुण्डको प्रचार रहेका छन्।

महोत्सवमा लोकदोहोरीतर्फ राजन गुरुङ, कुमार पुन, शंकर विरही गुरुङ, काजल गुरुङ, रमा राना, सोनी विसी, तुलसा क्षेत्री, परशुराम अधिकारी, प्रमिला लम्साल पौडेलको प्रस्तुति रहनेछ ।

पपतर्फ ओम गुरुङ, समीर थापा, सञ्जय कुँवर, डि-मोर्चा ब्याण्डको लाईभ कर्न्र्सट, हास्यमा दीपक थापा, नारायण पराजुली तथा नृत्यमा लुलुमा लिम्बु लगायत अन्य कलाकारको प्रस्तुति रहने मूल आयोजक समिति अध्यक्ष हुमबहादुर गुरुङले जानकारी दिए।

महोत्सवमा खुला गाउँस्तरीय पुरुष भलिबल, खुल्ला क्लबस्तरीय महिला भलिबल, त्यस्तै भेटा्रन्स भलिबल, थ्रि ए साइड फुटबल, छेलो, पुरुष घैँटो फुटाइ, महिला म्यूजिकल चियर, बालबालिकाको भित्रीबाहिरी प्रतियोगितामा पनि थप आकर्षण रहेको जनाइएको छ।

महोत्सव अवसर पारी महादेवको तीन शिर देखिनेस्थल अवलोकन, सात प्रजातिका कालिज अवलोकन, स्थानीय जडीबुटी प्रदर्शनी पनि गरिने भएको छ।

Related News

सम्बन्धित समाचार

  • लायन्स पोखरा नर्थको छैटौं चार्टरनाइट

    आदर्श समाज सम्वाददाता श्रावण ४, २०८१
    हेमजा । लायन्स क्लब पोखरा नर्थको छैंटौं चार्टर नाइट कार्यक्रम भएको छ । पोखरा २५ का अध्यक्ष मोतीराज तिमिल्सिनाले कार्यक्रम…
  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…

hero news full width