मिस पोखराको उपाधि साराले जितिन्

आदर्श समाज सम्वाददाता
असाेज २२, २०७५
Sansadiya Patrakar_Fotor

पोखरा, २१ असोज ।पोखरा भीमसेनटोलकी सारा बजिमयले १० औं मिस पोखराको उपाधि जितेकी छन् । पोखरा जेसिजले आयोजना गरेको मिस पोखरा-२०१८ मा अन्तिम प्रतिस्पर्धामा सबैलाई पछि पार्दै साराले उपाधिसहित स्कूटर, नगद ५० हजार रुपैयाँ पुरस्कार पाइन् ।

उनले सिधै मिस नेपालमा भाग लिने अवसरसहित यो वर्ष एक साताको अष्टे्रलिया भ्रमणको मौकासमेत पाएकी छन् । मिस ट्यालेन्टको उपाधि पनि जितेकी सारा माइक्रोबायोलोजी विषयमा ब्याचलर हुन् ।

पोखरा सभागृहमा शनिबार राति अबेर सकिएको प्रतियोगिताको फष्ट रनर अप सुजिता केसी भइन् । पोखरा नयाँगाउँकी केसीले उपाधिसँगै ३० हजार रुपैयाँसहित आकर्षक उपहार जित्न सफल भएकी छन् । यस्तै, दुर्इ सव-टाइटलसहित सेकेण्ड रनर अपको उपाधि पोखरा बिरौटाकी मीनाक्षी शर्माले जितिन् । नगद २० हजार रुपैयाँ र अन्य आकर्षक उपहार पाएकी मीनाक्षी वेष्ट क्याटवाक र वेष्ट इन्टलेक्चुअलको उपाधि विजेतासमेत हुन् ।

पूर्व मिस नेपाल उषा खड्गी र मिस पोखरा २०१७ ममता जोशीले उनीहरुलाई ताज पहिर्‍याएका थिए । अन्तिम प्रतिस्पर्धामा १५ जना प्रतिस्पर्धीहरु स्टेजमा उत्रिएका थिए ।

प्रतियोगितामा वेष्ट हेयर प्रिया गुरुङ, वेष्ट पर्सनालिटी रजनी थापा, वेष्ट डे्रस वर्षा गुरुङ, पपुलारिटी र भ्यूअर च्वाइस प्रियंका खड्का, वेष्ट स्माइल कृष्मा गिरी, मिस फोटोजेनिकतर्फ स्मृति विश्वकर्माले सवटाइटल जिते ।

प्रमुख निर्णायकमा हिडन टे्रजररका निर्देशक सुवर्णक्षेत्री तथा निर्णायक इक्यानका निवर्तमान अध्यक्ष प्रकाश पाण्डे, पोखरा जेसिजका पूर्व अध्यक्ष सुभाष सिग्देल, पोखरा उद्योग वाणिज्य संघका उपमहासचिव चीनु गुरुङ, गोल्डेन गेट इन्टरनेशनल कलेजका सिइओ रमेश सिलवाल, पोखराकै लक्की क्षेत्री र मिलन थापा रहेको कार्यक्रम संयोजक एवं पोखरा जेसिजका कार्यकारिणी उपाध्यक्ष देवराज शर्माले जानकारी दिए ।

अडिसनमार्फत छनोट प्रतिष्पर्धीलाई डेढ महिनासम्म विभिन्न तालिमसहित अन्तिम प्रधिस्पर्धामा उतारिएको थियो । पोखरा जेसिजले सन् १९९५ देखि मिस पोखरा सुरु गरेकोमा बीचमा केही वर्ष रोकिएर पुनः निरन्तरता दिँदै आएको छ । पूर्व मिस नेपाल सदीक्षा श्रेष्ठले कार्यक्रम संचालन गरेकी थिइन् ।

Related News

सम्बन्धित समाचार

  • नीरमाया दोहोरी साँझले जित्यो भलिबल प्रतियोगिता

    आदर्श समाज सम्वाददाता जेठ १७, २०८१
    पोखरा । चिप्लेढुंगाको नीरमाया दोहोरी साँझले दोहोरी साँझस्तरीय महिला भलिबल प्रतियोगिताको उपाधि जितेको छ । पोखरा कलाकार खेलकुद संघ आयोजनामा…
  • समाजको हितमा काम गर्न जोड

    आदर्श समाज सम्वाददाता जेठ १७, २०८१
    पोखरा । नेपाल दशनामी समाज कास्कीले पोखरामा आयोजना गरेको बृहत् छलफल तथा अन्तरक्रियाका वक्ताले समाजले समुदायको हितमा क्रियाशील हुँदै मौलिक…
  • उन्नतिको रक्तदानमा ६० युनिट रगत संकलन

    आदर्श समाज सम्वाददाता जेठ १७, २०८१
    पोखरा । पोखराको नयाँबजारमा अवस्थित उन्नति बचत तथा ऋण सहकारी संस्था लिमिटेडले बुधवार आयोजना गरेको खुला रक्तदान कार्यक्रममा ६० जनाले…
  • पोखराको एकीकृत रणनीतिक कार्य योजना

    आदर्श समाज सम्वाददाता जेठ १६, २०८१
    पोखरा महानगरपालिका पोखरालाई पर्यटनको राजधानी घोषणा पश्चात् एकीकृत रणनीतिक कार्य योजना निर्माणको तयारीमा लागेको छ । समग्र पर्यटन क्षेत्रको विकास…
  • पोखरा महानगरपालिका पूर्ण खोप सुनिश्चितता

    आदर्श समाज सम्वाददाता जेठ १६, २०८१
    पोखरा । पोखरा महानगरपालिका पूर्ण खोप सुनिश्चितता दिगोपना घोषणा गरिएको छ । महानगर क्षेत्रमा रहेका जन्मदेखि ५९ महिनासम्मका २९ हजार ३११…

hero news full width

trending post

ट्रेन्डिङ्ग