‘सामाजिक शिक्षा आफ्नै भाषामा सहज

आदर्श समाज सम्वाददाता
असाेज २२, २०७५

पोखरा, २१ असोज।सामाजिक शिक्षा आफ्नै मातृभाषामा अध्ययन गर्न सहज हुने धारणा यहाँ एक कार्यक्रमका वक्ताले राखेका छन्।

सामाजिक भाषा नेपालीमा किन – वहस कार्यक्रममा उक्त धारणा व्यक्त भएको हो।

सामाजिक शिक्षा नेपालीमा अभियानद्वारा शनिवार आयोजित उक्त कार्यक्रममा प्रमुख अतिथि प्राध्यापक केदारभक्त माथेमाले आफ्नो रितिथिति, संस्कृतिबारे जान्न पनि अंग्रेजीमा पढ्ने – भन्ने प्रश्न राखे।

उनले भने-’समाजलाई राम्रोसँग बुझ्न आफ्नै भाषा नेपालीमै सहज हुन्छ।’

अभियानका संयोजक डा. वसन्त गौतमले सामाजिक विशिष्टताका कुराहरु नेपालीमै पढाउन उपयुक्त हुने उल्लेख गर्दै भने -’अंग्रेजी साध्य होइन साधन मात्र हो भन्ने बुझ्न जरुरी छ।

साहित्यकार तीर्थ श्रेष्ठले नेपाली सांस्कृतिक कुरा अंग्रेजीमा अनुवाद गरेर दिँदा त्यसको जीवन्तता नरहने बताए।

एन प्याब्सान कास्कीका अध्यक्ष रामबहादुर मोचीले शिक्षालाई व्यवहारिक बनाउन आम शिक्षा पद्धति मै सुधार ल्याउनु पर्नेमा जोड दिए।

साहित्यकार गणेश पौडेलले मातृभाषा नै सजिलो भाषा भएको उल्लेख गर्दै भने -’अंक र अक्षर मात्र होइन समाज बुझन सक्ने साक्षर हो।‘

समाजमा मानव संशाधन विकास गण्डकी प्रदेशका प्रमुख डा. बाबुराम ढुंगाना, डा. चन्द्र भद्रा, पोखरा बहुमुखी क्याम्पसका प्रमुख शिशुकला पराजुलीलगायतले मन्तव्य राखेका थिए। अभियानका सदस्य लक्ष्मण थापाको अध्यक्षतामा भएको उक्त कार्यक्रमको सञ्चालन सञ्जीव पौडेलले गरेका थिए।

Related News

सम्बन्धित समाचार

  • मधेसमा ‘बोक्सी हुन्न’ अभियान

    आदर्श समाज सम्वाददाता भाद्र ३, २०७९
    हेमजा । मधेस प्रदेशका विभिन्न जिल्लामा ‘बोक्सी हुन्न’ अभियान संचालन गरिएको छ । मान्छे बोक्सी हुन्न कहिल्यै राष्ट्रिय जागरण प्रतिष्ठान…
  • भगिनी सम्बन्धको दुरुपयोग

    आदर्श समाज सम्वाददाता भाद्र ३, २०७९
    पोखरा । कास्कीको माछापुच्छ्रे गाउँपालिकाका बालकृष्ण गौतम जेठमा कोरिया गए । गाउँपालिकाले ‘सिजनल भिसा’ मा कोरिया जान सिफारिस गरेपछि उनी…
  • बाबुको निधनपछि १९ वर्षीया साधनाको उपचारमा सकस

    आदर्श समाज सम्वाददाता भाद्र २, २०७९
    लमजुङ । बेंशिसहर–८ की १९ वर्षीया साधना श्रेष्ठको उपचारमा आर्थिक अभाव सिर्जिएको छ । राइनोरियाका कारण उनको उपचारमा धेरै रकम…
  • नागरिक विधेयक प्रक्रियामा

    आदर्श समाज सम्वाददाता भाद्र २, २०७९
    पोखरा । प्रमाणीकरणका लागि पठाएको नागरिकता विधेयक राष्ट्रपतिले फिर्ता पठाएपछि उत्पन्न तरंग कसरी साम्य होला भन्ने संशयबीच सो विधेयकको पुनः…
  • मुग्लिन–पोखरा सडक विस्तार : पहिलो वर्षनै प्रगति न्यून

    रासस भाद्र १, २०७९
    काठमाडौं । ठेक्का अवधिको एक वर्ष बित्नै लाग्दा पृथ्वीराजमार्ग (मुग्लिन–पोखरा) सडकको हालसम्मको प्रगति दुई प्रतिशतको हाराहारी छ । चार लेन…

hero news full width